Jahan Jahan Uthi Nazar

Jahan Jahan Uthi Nazar,
Hussain Hi Hussain Hain,

Shajar Shajar, Samar Samar,
Hussain Hi Hussain Hain,

Zameen Se Aasman Talak Nazar Gayi Jahan,
Dua Dua, Asar Asar,
Hussain Hi Hussain Hain,

NABI ki Pusht-e-Pak Ho,
Ya Karbala Ki Khaak Ho,

Ghuroor-e-Sajda Jis Ka Sar,
Hussain Hi Hussain Hain,

Jo Zair-e-Taigh, La-Ilah
Kaha To Keh Utha Khuda,

Hai Jis Pe Mujh Ko Naaz Woh,
Hussain Hi Hussain Hain,

Kata Ke Sar, Luta Ke Ghar,
Karay Jo Sajda Khaak Par,

Zameen Pe aisa Moa’tbar,
Hussain Hi Hussain Hain..