Bazm-e-dushman mein bulate ho ye kya karate ho
aur phir aankh churate ho ye kya karate ho
bad mere koi mujh sa na milega tum ko
khak mein kis ko milate ho ye kya karate ho
chinte pani ke na lo nind bhari aankhon par
sote fitne ko jagate ho ye kya karate ho
hum to dete nahi kya ye bhi zabardasti hai
chin kar dil liye jate ho ye kya karate ho
hon na jaye kaheen daman ka churana mushkil
mujh ko divana banate ho ye kya karate ho
No comments:
Post a Comment