phir shab-e-gam ne mujhe shakl dikhai kyon kar

phir shab-e-gam ne mujhe shakl dikhai kyon kar
ye bala ghar se nikli hui ai kyon kar

tu ne ki gair se meri burai kyon kar
gar na thi dil main to lab par tere ai kyon kar

tum dilazar-o-sitamgar nahin main ne mana
man jayegi ise sari khudai kyon kar

aina dekh k vo kahne lage ap hi ap
aise achon ki kare koi burai kyon kar

kasrat-e-ranj-o-alam sun k ye ilzam mila
itne se dil main hai itnon ki samai kyon kar

dag kal tak to dua ap ki maqbul na thi
aj munh mangi murad ap ne pai kyon kar

lutf vo ishq main paye hain ki ji janta hai

lutf vo ishq main paye hain ki ji janta hai
ranj bhi itne uthaye hain k ji janta hai

jo zamane k sitam hain vo zamana jane
tune dil itne dukhaye hain k ji janta hai

tum nahin jante ab tak ye tumhare andaz
vo mere dil main samaye hain ki ji janta hai

inhin qadmon ne tumhare inhin qadmon ki qasam
khak main itne milaye hain k ji janta hai

dosti main teri darparda hamare dushman
is qadar apne paraye hain k ji janta hai

gazab kiya, tere vade pe aitabar kiya

gazab kiya, tere vade pe aitabar kiya
tamam rat qayamat ka intezar kiya

hansa hansa k shab-e-vasl ashk-bar kiya
tasalliyan mujhe de-de k beqarar kiya

ham aise mahv-e-nazara na the jo hosh ata
magar tumhare tagaful ne hoshiyar kiya

fasana-e-shab-e-gam un ko ek kahani thi
kuch aitabar kiya aur kuch na-aitabar kiya

ye kisne jalva hamare sar-e-mazar kiya
k dil se shor utha, hae! beqarar kiya

tarap phir ai dil-e-nadan, k gair kahte hain
akhir kuch na bani, sabr ikhtiyar kiya

bhula bhula k jataya hai unko raz-e-nihan
chipa chipa k mohabbat ko ashkar kiya

tumhen to vada-e-didar ham se karna tha
ye kya kiya k jahan ko ummidavar kiya

ye dil ko tab kahan hai k ho malandesh
unhone vada kiya ham ne aitabar kiya

na puch dil ki haqiqat magar ye kahte hain
vo beqarar rahe jisne beqarar kiya

kuch age davar-e-mahashar se hai ummid mujhe
kuch ap ne mere kahne ka aitabar kiya

khatir se ya lihaz se main man to gaya

khatir se ya lihaz se main man to gaya
jhuthi qasam se ap ka iman to gaya

dil le k muft kahte hain kuch kam ka nahin
ulti shikayaten rahi ehsan to gaya

ab shay-e-raz-e-ishq go zillaten hui
lekin use jata to diya, jan to gaya

dekha hai butkade main jo ai shekh kuch na kuch
iman ki to ye hai k iman to gaya

Darta hun dekh kar dil-e-be-arazu ko main
sun-san ghar ye kyun na ho mehman to gaya

go namabar se khush na hua par hazar shukr
mujh ko vo mere nam se pahchan to gaya

hosh-o-havas-o-tab-o-tavan "Dag" ja chuk
ab ham bhi jane vale hain saman to gaya

kabe ki hai havas kabhi ku-e-butan ki hai

kabe ki hai havas kabhi ku-e-butan ki hai
mujh ko khabar nahin meri mitti kahan ki hai

kuch tazgi ho lazzat-e-azar k liye
har dam mujhe talash naye asman ki hai

hasrat baras rahi hai mere mazar se
kahte hain sab ye qabr kisi naujavan ki hai

qasid ki guftagu se tasalli ho kis tarah
chipti nahin vo jo teri zaban ki hai

sun kar mera fasana-e-gam us ne ye kaha
ho jaye jhut sach, yahi khubi bayan ki hai

kyun kar na ae khuld se adam zamin par
mauzun vahin vo khub hai, jo shay jahan ki hai

urdu hai jiska nam hamin jante hain Dag
hindustan main dhum hamari zaban ki hai

Rasm-e-Ulfat Sikha Gaya Koi

Rasm-e-Ulfat Sikha Gaya Koi
Dil Ki Duniya Pe Chhaa Gaya Koi

Ta Qayaamat Kisi Tarah Na Bujhay
Aag Aisi Laga Gaya Koi

Dil Ki Duniya Ujri Si Kyun Hai ?
Kia Yahan Se Chala Gaya Koi

Waqt-e-Rukhsat Galay Laga Kar “Daagh”
Hanste Hanste Rula Gaya Koi

Lutf Wo Ishq Mein Paaye Hain Ke Jee Jaanta Hai

Lutf Wo Ishq Mein Paaye Hain Ke Jee Jaanta Hai
Ranj Bhee Aisay Uthaaye Hain Ke Jee Jaanta Hai

Jo Zamaanay Ke Sitam Hain Wo Zamaana Jaanay
TU Ne Dil Itnay Sataaye Hain Ke Jee Jaanta Hai

Muskuraatay Howay Wo Majmaa-e-Agyaar Ke Saath
Aaj Yun Bazm Mein Aaye Hain Ke Jee Jaanta Hai

Kaaba-o-Dair Mein Pathra Gayeen Dono Aankhain
Aisay Jalway Nazar Aaye Hain Ke Jee Jaanta Hai

Dosti Mein Teri Dar-Pardah Hamaaray Dushman
Is Qadar Apne Paraaye Hain Ke Jee Jaanta Hai

Daagh-e-Waarafta Ko Ham Aaj Tere Koochay Se
Is Tarah Khainch Ke Laaye Hain Ke Jee Jaanta Hai

phire rah se vo yahan ate ate

phire rah se vo yahan ate ate
ajal meri rahi tu kahan ate ate

mujhe yad karne se ye mudda tha
nikal jaye dam hichakiyan ate ate

kaleja mere munh ko ayega ik din
yun hi lab pe ah-o-fugan ate ate

natija na nikla thak sab payami
vahan jate jate yahan ate ate

nahin khel ai "Dag" yaron se kah do
k ati hai urdu zuban ate ate

dil ko kya ho gaya Khuda jane

dil ko kya ho gaya Khuda jane
kyon hai aisa udas kya jane

kah diya main ne hal-e-dil apna
is ko tum jano ya Khuda jane

jante jante hi janega
mujh main kya hai abhi wo kya jane

tum na paoge sada dil mujh sa
jo tagaful ko bhoi haya jane

mere qabu main na pehron dil-e-nashad aya

mere qabu main na pehron dil-e-nashad aya
vo mera bhulne vala jo mujhe yad aya

dil-e-viran se raqibon ne muraden pain
kam kis kis k mera khirman-e-barbad aya

lijiye suniye ab afasana-e-furqat mujh se
ap ne yad dilaya to mujhe yad aya

di muazzin ne azan vasl ki shab pichle pahar
haye kambakht ko kis vaqt Khuda yad aya

bazm main un k sabhi kuch hai magar "Dag" nahin
mujh ko vo khana-kharab aj bahut yad aya

pukarti hai khamoshi meri fugan ki tarah

pukarti hai khamoshi meri fugan ki tarah
nigahen kahtai hain sab raz-e-dil zuban ki tarah

jala k dag-e-muhabbat ne dil ko khak kiya
bahar ai mere bag main khizan ki tarah

talash-e-yar main chori na sar-zamin koi
hamare panv main chakar hain asman ki tarah

ada-e-matlab-e-dil hamase sikh jaye koi
unhen suna hi diya hal dastan ki tarah

na jao hal-e-dil-e-zar dekhte jao

na jao hal-e-dil-e-zar dekhte jao
k ji na chahe to na char dekhte jao

bahar-e-umr main bag-e-jahan k sair karo
khila hua hai ye gulzar dekhte jao

utho ankh na sharmao ye to mahfil hai
gazab se janib-e-agayar dekhte jao

hua hai kya abhi hangama abhi kuch hoga
fugan main hashr k asar dekhte jao

tumhari ankh mere dil se besabab-bevajah
hui hai larane ko tayyar dekhte jao

na jao band kye ankh raharavan-e-adam
idhar-udhar bhi khabaradar dekhte jao

koi na koi har ik sher main hai bat zarur
janab-e-"Dag" k ashar dekhte jao

Ajab Apna Haal Hota Jo Visaal-E-Yaar Hota

Ajab Apna Haal Hota Jo Visaal-E-Yaar Hota
Kabhi Jaan Sadqe Hoti Kabhi Dil Nisaar Hota

Na Mazaa Hai Dushmani Main Na Hai Lutf Dosti Main
Koi Gair Gair Hota Koi Yaar Yaar Hota

Ye Mazaa Tha Dillagi Ka Ke Barabar Aag Lagti
Na Tumhen Qaraar Hota Na Hamein Qaraar Hota

Tere Waade Par Sitamgar Abhi Aur Sabr Karte
Agar Apni Zindagi Ka Hamein Aitbaar Hota

sitam hi karna jafa hi karna nigah-e-lutf kabhi na karna

sitam hi karna jafa hi karna nigah-e-lutf kabhi na karna
tumhen qasam hai hamare sar ki hamare haq main kami na karna

kahan ka ana kahan ka jana vo jante hi nahin ye rasmain
vahan hai vade ki bhi ye surat kabhi to karna kabhi na karna

hamari mayyat pe tum jo ana to char ansu baha k jana
zara rahe pas-e-abaru bhi kahin hamari hansi na karna

vo ik hamara tariq-e-ulfat ki dushmanon se bhi mil k chalna
ye ek sheva tera sitamagar ki dost se dosti na karna

gam se kahin najat mile chain payen ham

gam se kahin najat mile chain payen ham
dil khun main nahae to ganga nahayen ham

jannat main jayen ham k jahannum main jayen ham
mil jae tu kahin na kahin tujh ko payen ham

mumkin hai ye k vade pe apne vo a bhi jae
mushkil ye hai k ap main us vaqt ayen ham

naraz ho Khuda to karen bandagi se khush
mashuq ruth jae to kyon kar manayen ham

sar doston k kat kar rakhe hain samane
gairon se puchte hain qasam kis ki khayen ham

saunpa tumhen Khuda ko chale ham to namurad
kuch parh k bakhshna jo kabhi yad ayen ham

ye jan tum na loge agar ap jayegi
is bevafa ki khair kahan tak manayen ham

ham-saye jagate rahe nalon se rat bhar
soye huye nasib ko kyon kar jagayen ham

tu bhulane ki chiz nahin khub yad rakh
ai "Dag" kis tarah tujhe dil se bhulayen ham

arazu hai vafa kare koi

arazu hai vafa kare koi
ji na chahe to kya kare koi

gar marz ho dava kare koi
marne vale ka kya kare koi

koste hain jale hue kya kya
apne haq main dua kare koi

un se sab apni apni kahte hain
mera matalab ada kare koi

tum sarapa ho surat-e-tasvir
tum se phir bat kya kare koi

jis main lakhon baras ki huren hon
aisi jannat ko kya kare koi

butan-e-mahvash ujri hui manzil main rahte hain

butan-e-mahvash ujri hui manzil main rahte hain
k jis ki jan jati hai usi k dil main rahte hain

hazaron hasraten vo hain k rok se nahin ruktin
bahot arman aise hain k dil k dil main rahte hain

Khuda rakhe muhabbat k liye abad donon ghar
main un k dil main rahta hun vo mere dil main rahte hain

zamin par panv nakhvat se nahin rakhte pari-paikar
ye goya is makan ki dusari manzil main rahte hain

koi nam-o-nishan puche to ai qasid bata dena
takhallus "Dag" hai aur ashiqon k dil main rahte hain

tumhare khat main naya ik salam kis ka tha

tumhare khat main naya ik salam kis ka tha
na tha raqib to akhir vo nam kis ka tha

vo qatl kar ke har kisi se puchte hain
ye kam kis ne kiya hai ye kam kis ka tha

vafa karenge nibhayenge bat manenge
tumhen bhi yad hai kuch ye kalam kis ka tha

raha na dil main vo be-dard aur dard raha
muqim kaun hua hai maqam kis ka tha

na puch-pach thi kisi ki na av-bhagat
tumhari bazm main kal ehtamam kis ka tha

hamare khat ke to purze kiye parha bhi nahin
sun jo tum ne ba-dil vo payam kis ka tha

inhin sifat se hota hai admi mashhur
jo lutf ap hi karte to nam kis ka tha

guzar gaya vo zamana kahen to kis se kahen
khayal mere dil ko subah-o-sham kis ka tha

har ek se kahte hain kya "Dag" bevafa nikla
ye puche in se koi vo gulam kis ka tha

Ranj Ki Jab Guftaguu Honay Lagi

Ranj Ki Jab Guftaguu Honay Lagi
Aap Se Tum Tum Se TU Honay Lagi

Chahye Paighambar Dono Taraf
Lutf Kia Jab Du-Ba-Du Honay Lagi

Meri Ruswayi Ki Naubat Aagayi
Unki Shohrat Qu-Ba-Qu Honay Lagi

Bay Niazi Badh Gayi Hai Is Qadar
Aarzoo Ki Aarzoo Honay Lagi

Ab Tou Mil Kar Dekhye Kya Rang Ho
Phir Hamari Justajuu Honay Lagi

“Daagh” Itraaye Howay Phirtay Hain Aaj
Shaayad Unki Aabruu Honay Lagi

ye jo hai hukm mere pas na aye koi

ye jo hai hukm mere pas na aye koi
is liye ruth rahe hain k manaye koi

tak main hai nigah-e-shauq khuda khair kare
samane se mere bachta hua jaye koi

hal aflaq-o-zamin ka jo bataya bhi to kya
bat vo hai jo tere dil ki bataye koi

apne 'Dag' ko munh bhi na lagaya afsos
us ko rakhta tha kaleje se lagaye koi

ho chuka aish ka jalsa to mujhe khat bheja
ap ki tarah se mehaman bulaye koi