Her saal naya saal manata raha hon main

Her saal naya saal manata raha hon main,
Bujhtay hooway charagh jalata raha hon main,

Uss ko bhi ho khaber meray runjo malaal ke,
Shairon main jis ko haal sunnata raha hon main,

Jo meray mah-o-saal ko yakser nikhhar de,
Uss ko bas apnay paas bulaata raha hon main,

Dukh dard ke ghardi main aa k ho jo kharda,
Aisay he aik shakhsh ko chahta raha hon main,

Aajiz hon na he baykhaber main apni zaat se,
Ik ik saal zindagi se ghatata raha hon main,

Ay shoq-e-arzoo teri manzil ke kiya khaber,
Ashkon saiy teri payaas bujhata raha hon main,

Rehber hon kaarwan ka na shamil main kaarwan,
Qadmon ko bay thhakan chalata raha hon main,

Iss saal bhe umeed-e-no shaukat hay teray ghar,
December main jis ke qaber banata raha hon main..