her tarraf yaas hai, andhairay hain
dakuon kay yahaan basairay hain
qaum hai aaj jin kay chungal main
woh meri jaan sub luteray hain
in ki duniya hai nafs ki duniya
yeh na teray hain aur na meray hain
aam to hain shikaar in kay sub
kuch to teetar hain kuch batairay hain
ujraton per rakhay muhafiz nay
khun kay cheentay yahaan bakhairay hain
mujhko ghar say nikaal kar azhar
meraay ghar per kiay basairay hain
No comments:
Post a Comment