Umeed to manzil pe pohnchnay ki bari thi

Umeed to manzil pe pohnchnay ki bari thi
Taqdeer magar janay kaha soi parri thi

Khush thay k guzarein gey rafaqat mein saffr ab
Tanhaee magar baahon ko phir kholay khari thi

Kabi Saya Hai, Kabhi Dhoop Muqadarr Mera

Kabi Saya Hai, Kabhi Dhoop Muqadarr Mera
Hota Rehta Hai Younhi Qarz Braber Mera
Toot Jatey Hain Kabhi Mere Kinarey Mujh Mein
Doob Jata Hai Kabhi Mujh Mein Sumandar Mera

Ussi Jaga Pr Khari Hon Jahan Wo Bichra Tha

Ussi Jaga Pr Khari Hon Jahan Wo Bichra Tha
Suna Hai Jab Se K Mosam Palat K Aaty Hain

Mujhe Kaamil Yaqeen Hai Tum Meri Ho Jao Gi Ik Din

Mujhe Kaamil Yaqeen Hai Tum Meri Ho Jao Gi Ik Din
Tumhare Dil Me Utron Ga Muhabbat Ki Sadaa Ban Kr

Koi Zanjeer Nahi... Phir B Giraftar Hon Main

Koi Zanjeer Nahi... Phir B Giraftar Hon Main
Kya Khber Thi K Tujhe Ye Hunar B Aata HY

ek bas tuu hi nahi mujhse Khafa ho baitha

ek bas tuu hi nahi mujhse Khafa ho baitha
main ne jo sang taraashaa vo Khudaa ho baitha

uTh ke manzil hi agar aaye to shaayad kuch ho
shauq-e-manzil me mera aabalaapaa ho baitha

masalahat chhin gai quvat-e-guftar magar
kuch na kaha na hi meri sadaa ho baitha

shukriyaa ae mere qaatil ae masiihaa mere
zahar jo tune diyaa thaa wo davaa ho baitha

jaane 'Monis' ko main_jumlaa-e-aadaa paakar
huuk wo utthi ke ji tan se judaa ho baitha

Hoon To Khafa Us SE, Per Janay Phir B Kiyn…?

Hoon To Khafa Us SE,
Per Janay Phir B Kiyn…?

Na Chaah Kar Bhi Us Ko Chahna Acha Lagta Hai…

Haqeeqat Se Hoon Dhoor,
Ye Mujh Ko Hai Pata…

Per Jaan K Anjaan Rehna Acha Lagta Hai…

Qaayel Nahi Main Ronay Ki Phir B Kabhi Kabhi…

Tanhai Main Kuch Dair Rona Acha Lagta Hai…

Tu MERA Tha,
Tu MERA Hai,
Tu MERA Rahay Ga…

Kuch Pal Is Khawab Mein Khona Acha Lagta Hai….!!

Meri chahton pe shikway

Meri chahton pe shikway
Tere raabton ma waqfay

Haan yehi nishaanian hain
Ke tu door ho raha hai

Mita De Apni Hasti Ko Ager Kuch Martaba Chaiy

Mita De Apni Hasti Ko Ager Kuch Martaba Chaiye,
Ke Dana Khak Mein Mil Kar Gul-e-Guraz Banta Hai…”

“Muqaddar Jin Ke Unche Aur Aala Bakht Hote Hain,
Zindagi Mein Unhi Ke Imtehan Bhi Sakht Hote Hain

“kabi jo hum nahi hon gay?

“kabi jo hum nahi hon gay?
kaho kis ko batao gay?
wo apni uljanein sari..
wo becheini main doobe pal?.
wo aankhon main chupe aansu?
kise phir tum dikhao gay?
kabi jo hum nahi hon gay?
boht bechan hon gay?
boht tanha reh jao gay?
abi b tum nahi samjhay?
humari ankahi batain?
mgr jab yaad aayein gay?
boht tum ko rulayein gay?
boht chaho gay phir b?
hamay na doond pao gay?!!

Zahir kisi surat bhi kahin naam na karna,

Zahir kisi surat bhi kahin naam na karna,
Hain log bohat khaas humain aam na karna,

Janey ki ijazat to diye dete hain lekin,
Raste main kahin aate huye shaam na karna,

Kuch roz se yeh haal hai chahat mein tumhari,
Bekaar parre rehna koi kaam na karna,

Main bhi na dikhaon ga sar-e-raah girebaan,
Tum bhi mere waadon ko sar-e-aam na karna,

Is shart pe hai tark-e-taluq ki ijazat,
Badnaam zamane mein mera naam na karna,

Hum log palat aaney ki haatir nahin jate,
Wa sham ke baad apne dar-o-baam na karna,

Yadon ka nasha hosh urra deta hai Arshad,
Saaqi se kaho samne ab jaaam na karna..

…

Aa Kabhi Andherey Main

Aa Kabhi Andherey Main
Dekh Suurat-e-Dunya

Rung Tou Tamasha Hy
Sirf Dhuup Chaao?n Ka

Wohi meri subh ,meri sham hoti thi

Wohi meri subh ,meri sham hoti thi
Garmiyon ki dhop me,wo mera saibhan hoti thi

Mere lie wo sehti thi tahne dosaron k
Mere lie wo har waqt odas hoti thi

Satata tha me use jii bhar k
Lakin uss k labon par phir bhi dua hoti thi

Chala jata tha me jab bhi kahen door
Nazar hamaisha us ki darwaze par hoti thi

Karta nahin tha talash kahen bhi me
Uss k qadmoo me hi meri janat hoti thi

Chor jate the jab bhi log bachpan me
Uss k hathon me hi meri ongali hoti thi

Ratjagon k azab jo mujh par otarte the
Uss ki mohabbat hi meri lori hoti thi

Qurban karti thi wo mujh par apna sab kuch
Meri khoshi me hi uss ki khoshi hoti thi

HUSSNAIN yad ati hai mujh ko wohi maa bar bar
Meri shohrat jiss ki dauon se hoti thi

Daraz Palkain Visal

Daraz Palkain Visal
Ankhen
Musawari Ka Kamal
Ankhen
Sharab Rab Ne
Haram Kar Di
To Phir Kyun Rakhi’n
Halal Ankhen
Hazaron inse Qatal
Huay Hain
Khuda K Bande
Sambhal Ankhen…

Guzray Huay Taweel Zamanay Kay Baad Bhi

Guzray Huay Taweel Zamanay Kay Baad Bhi
Dil Main Raha Woh Choor Kay Janay Kay Baad Bhi

Pehlu Main Reh Kay Dil Nay Dia Hai Bohat Faraib
Rakha Hai Us Ko Yaad Bhulanay Kay Baad Bhi

Qurbat Kay Baad Aur Bhi Qurbat Ki Talash
Dil Mutmain Nahin Hai Teray Aanay Kay Baad Bhi

Go Tu Yahan Nahin Hai Mager Tu Yahein Pay Hai
Tera Hi Zikar Hai Teray Janay Kay Baad Bhi

Lagta Hai Kuch Kaha Hi Nahin Hai Ussay Adeem
Dil Ka Tamam Haal Sunanay Kay Baad Bhi

Dil tumhare sheher se bahir kahen lagta nahin,

Dil tumhare sheher se bahir kahen lagta nahin,
Umer guzri hum inhi galion k ho kar reh gae.

Halaat Mere Mujhse Na Maloom keejiye

Halaat Mere Mujhse Na Maloom keejiye
Muddat Hoi Hai Mujh se... Mera Waasta Nahi

Wo Gaye Dinon Ki Muhabbatain

Wo Gaye Dinon Ki Muhabbatain
Wo Gaye Dinon K Lamhat e Wisal
Hamein Yaad Hai Wo Sab
Ishq e Roz e Awaleen Ki Tarah
Ham To Hain Muhabbaton Kay Safeer Janan
Elm e Muhabbat Ko Hamen Hai Bachana
Apni Hasti Ko Fana Kar Saktey Hain Hum
Muhabbat Se Door Nahin Reh Saktey Hum
Muhabbat Se Hai Qaim Dillon Ki Duniya
Muhabbat Bhra Dil Hai Maskan Khuda Ka
Chalo Aaj Phir Se Aehd Ye Hum Karen
Muhabbaton Ko Chaar Soo Aam Hum Karen
Mitta Dein Duniya Se Nafraton Ko Hum
Ho Jain Hardilaziz Duniya Mein Hum
Ham To Hain Muhabbaton Kay Safeer Janan
Elm e Muhabbat Ko Hamen Hai Bachana

wo dil nawaz hai nazar shanas nahi

wo dil nawaz hai nazar shanas nahi
mera ilaj mere charagar k pas nahi

tarap rahe hain zaban par kai sawal magar
mere liye koi shayan-e-iltamas nahi

tere ujalon main bhi dil kanp kanp uthta hai
mere mizaj ko asudagi bhi ras nahi

kabhi kabhi jo tere qurb main guzre the
ab un dinon ka tasawwur bhi mere pas nahi

guzar rahe hain ajab marhalon se dida-o-dil
sahar ki as to hai zindagi ki as nahi

mujhe ye dar hai k teri arzu na mit jaye
bahut dinon se tabiyat meri udas nahi

Dekhay Huwaye Kisi Ko Bohat Din

Dekhay Huwaye Kisi Ko Bohat Din

Dekhay Huwaye Kisi Ko Bohat Din Guzar Gaye
Iss Dil Ki Be-Basi Ko Bohat Din Guzar Gaye

Har Shab Chatton Pe Chaand Utarta Tow Hai Magar
Iss Ghar Mein Chaandni Ko Bohat Din Guzar Gaye

Teri Rifaaqtein Tow Muqqader Mein Hi Na Theen
Ab Apni Hi Kami Ko Bohat Din Guzar Gaye

Muddat Huwee Toot Kar Roya Nahi Hon Mein
Iss Chain Ki Gharri Ko Bohat Din Guzar Gaye

Jo Aitbaar Iss Zakham-e-Hunar Ne Aata Kiya
Danish Woh Shaery Ko Bohat Din Guzar Gaye

Goonjtay Rehte Hain Alfaaz Mere Kanon Me

Goonjtay Rehte Hain Alfaaz Mere Kanon Me
Tu To Aaram Se Keh Deta Hy... ALLAH HAFIZ

december ki thatharti hoi shamien

december ki thatharti hoi shamien
kohar mein lipti dhundali se subhien
darakhto'N se girtey huay
khushk zard pattey
wo gao'n k tama'm raste
mohabbato'N k tama'm rishtey
khiyaal abad kaRte HaiN
tumheiN sab yaad karte hain

Chalo Ab Mil K Hijr-o-Habs Ka Moasm Bdalty Hain

Chalo Ab Mil K Hijr-o-Habs Ka Moasm Bdalty Hain,
Zara Sa Tum Bdal Jao.!
Zara Sa Hum Bdalty Hen,
Bas Itna Yad Rakh Lena.!
Ke Wesy Kam Bdalty Hen,
Mgar Jub Hum Bdalty Hen.!
to Phr..!
Peham Badalty Hen,
Ager Tum Ye Smajhty Ho.!
Tumhary Gham Ziyada Hain..!
To Ab Ki Baar Aapas Me..!
Hum Apny Gham Bdalty Hain..!

Qabza Naa-haq Na Keejiye Khud Pr

Qabza Naa-haq Na Keejiye Khud Pr
Aap Apne Nahi... Hamary Hain

Mohabbat Ka Nagar Abaad Rakhna,

Mohabbat Ka Nagar Abaad Rakhna,
Bilaa Khauf-o-Hatar Abaad Rakhna,

Mohabbat Mein Koi Asaan Nahin,
Wafaa Ki Reh-Guzar Abaaad Rakhna,

Tum Apni Jagti Ankhon Mein Jaana,
Koi Khawab-e-Seher Abaad Rakhna,

Udaasi Keh Rahi Hai Sheher-e-Jaan Ki,
Hamare Baam-O-Dar Abaad Rakhna,

Kisi Ki Yaad Mein Din Raat Yaawar,
Deyaar-e-Chashm-e-Tar Abad Rakhna..

Ek Raat Vo Mile Khwab Me

Ek Raat Vo Mile Khwab Me
Hamne Pucha Kyo Thukraya Aapne?
Jab Dekha Unki Aankho Me Bhi Aansu The
Phir Kaise Puchte Kyo Rulaya Aapne

Shair O Shayari in Hindi

Shair O Shayari in Hindi

Na Jany Zamany Walon Ko Kiya Addawat Hy Hum Sy
K Jiss Ko Hum Chahain Sab Usi K Talab-Gar Ho Jaty Hain…!!!

Tu ajnabi tha to Roz kisi bahane mujhey yad karta tha

Tu ajnabi tha to Roz kisi bahane mujhey yad karta tha

Tuje apna hone ka ehsas dilaya to tu ne Baat karna hi chhor diya!

Kaha Din ko bhi ye ghar kis k liye veeran rehta hai

Kaha Din ko bhi ye ghar kis k liye veeran rehta hai
Yahan kia hum sa koi be-sar-o-saamaan rehta hai?

Dar-o-deewar sannaattay ki chaadar mein hain khuwab’eeda
Bhala aisi jaga zinda koi insan rehta hai?

Musalsal poochnay per aik chilman se jawab aya:
Yahan ik dil shikasta sahib-e-deewan rehta hai

Kaha: Kia is k risht-e-daar bhi nahi milny aaty?
Jawaab aya : Ye sehra raat din sunsaan rehta hai

Kaha : Is k ghar k aangan mein hain kuch phoolo’n k poday bhi
Jawab aaya k khaali phir bhi her guldaan rehta hai.

Khuda ka shukr hai hum ik fiza mein saans laity hain
Agar milty nahi, itna to itminaan rehta hai

muhabbat main kare kya kuch kisi se ho nahin sakta

muhabbat main kare kya kuch kisi se ho nahin sakta
mera marna bhi to meri khushi se ho nahin sakta

na rona hai tariqe ka na hansna hai saliqe ka
pareshani main koi kam ji se ho nahin sakta

Khuda jab dost hai ai "Dag" kya dushman se andesha
hamara kuch kisi ki dushmani se ho nahin sakta

Chopke chopke raat din ansu bahana yaad hai

Chopke chopke raat din ansu bahana yaad hai
Hum ko abb tak ashiqi ka wo zamana yaad hai

Gali ke uss moor pe khada tha

Gali ke uss moor pe khada tha
Jidhar se rasta juda houa tha

aas ka aek jalta diya bhi le kar
Janey kis baat pe wo ada tha

Kadi dhoop may wo mar gaya hai
Paas hi jiskey saya Ghana tha

Ghamon may kiyun ho haath maltey
Hansi may usko gunwa diya tha

Suna hai usko mili hai manzil
Do gaam hi jo abhi chala tha

Agli gali ke morr pe rehta tha aik shakhss,

Agli gali ke morr pe rehta tha aik shakhss,
Meri mohabbaton se shanaasa tha aik shakss,

Aankhon ko us ke baad sujhayi nahin diya,
Aayiney bant’ta hua guzra tha aik shakhss,

Kal phir nazar bacha ke guzarna para humain,
Kal phir hamari raah main betha tha aik shakhss,

Ik ranj-o-gham ki bheerr muqabil khari thi aur,
Hungaama-e-hayaat mein tanha tha aik shakhss,

Mujh ko bhi dushmanon ki zaroorat thi sheher mein,
Mujh ko bhi apni jaan se pyara tha aik shakhss,

Tark-e-taluqaat pe naadim* na tha magar,
Rukhssat hua to toot ke roya tha aik shakhss,

Ansar woh khawb tha ya haqeeqat khabar nahin,
Bass itna yaad hai kahin dekha tha aik shakhss..

HAVE A WONDERFUL EID

No time is like Eid
With its charm and magic
When fun and frolic of little ones
Add beautify to the view!
HAVE A WONDERFUL EID

Paich dar paich Silsily Dil K

Paich dar paich Silsily Dil K
Muje Teri... Tuje kisi Aur ki Talash

Yaro meri ik umer samandar me kat gai,

Yaro meri ik umer samandar me kat gai,
Kis shakhs ne daikhe hain bhanwar muj se ziada.

‘faraz’ ab koi sauda koi junun bhi nahi

‘faraz’ ab koi sauda koi junun bhi nahi
magar qarar se din kat rahe hon yun bhi nahi
lab-o-dahan bhi mila guftagu ka fan bhi mila
magar jo dil pe guzarati hai kah sakun bhi nahi

meri zuban ki luknat se badguman na ho
jo tu kahe to tujhe umr bhar milun bhi nahi

‘faraz’ jaise koi diya turbat-e-hava chahe hai
tu pas aaye to mumkin hai main rahun bhi nahi

Yun khara tha ser jhokaay mere gher jane ke baad

Yun khara tha ser jhokaay mere gher jane ke baad
Laut ker mein aa gaya tha jaise mer jane

Teri zulfain bhi khulain gi daikh le gi kainaat
Zindgani ka mirra sooraj utter jane ke baad

Mere rone ka sabab poocha ye us ne soch ker
Rukh badal jaay kahin dariya na bher jane ke baad

Hasrat-e-dedar kehte hain kissi ko daikhna
Ik nazer aane se pehle ik nazer jane ke baad

Pal mein sara hi to aangun jugnoowo'n se bher gaya
Teri zulfain tere shano'n per bikher jane ke baad


Ja rahe ho ub kahan mujh ko utha ker dosto
Zindgani qaid khane mein guzzer jane ke baad

Paniyun mein kho diya hai tum ne Afzal jane kaya
Phir palat aate ho dariya par ker jane ke baad

Khaama ko bhigoti rahi ehsaas ki baarish

Khaama ko bhigoti rahi ehsaas ki baarish
Qirtaas pe hoti huwi akkaas ki baarish

BooNdooN ko tarasti rahi is shehr ki matti
Rukne pe nahiN aayi wo ban baas ki baarish

Hairat k falak par rahe afkaar kay badal
Izhaar k hoNtoN pe rahi pyaas ki baarish

Kuch bhaap uthi yaas kay dariyaa se achaanak
KhwaaboN ki hawaaoN se huwi aas ki baarish

Mahdood rahi un ki zameeN apni Gharaz tak
hoti rahi in aaNkhoN se iKhlaas ki baarish

AaNkhoN maiN utar jaaye hay! saaNsoN maiN basay hay!
Komal hay bohat WARD hasiN baas ki baarish

Jahan koi baichar jae wahen par us ki manzil hai

Jahan koi baichar jae wahen par us ki manzil hai
Kisi k sath chalne se musafat kam nahin hoti

Kal halki halki barish thi

Kal halki halki barish thi
Kal sard hawa ka raqs bhi tha

Kal phool bhi nikhray nikhray thay
Kal un pe aap ka aks bhi tha

Kal badal kalay gehray thay
Kal chand pay lakhon pahray thay

Kuch tukray aap ki yaad kay
Bari dair say dil main thehray thay

Kal yaadain uljhi uljhi thin
Aur kal tak yeh na suljhi thin

Kal yaad bohut tum aye thay
KAL YAAD BOHUT TUM AYE THAY

Jatey jatey woh mujhe achi nishani day gaya

Jatey jatey woh mujhe achi nishani day gaya
umr bhar dohraoN ga, aisi kahani day gaya

Us say maiN kuch pa sakooN aisi kahaN umeed thi
gham bhi woh shayad baraye meharbani day gaya

khair maiN piyasa raha par usne itna to kia
meri palkoN ki qitaroN ko woh pani day gaya

Ladki Wo aik masoom si

Ladki
Wo aik masoom si
Bholi bhali si
Komal komal haton se
Sahil ki rait pe
Sapnon ke gharondey bana rehi hai
Unko phr saja kar muskara rehi hai
Bekhabr hai pagli
Nahi janti
Mouj-e-sagar aik pal may
Sub sapney uske
Baha le jaye gi
Aur
phir dair talak
Ye pagli
Ashk bahaye gi
Aur thak kr
Ghar lout jaye gi
Kia yehi kahani uski zindagi
Ka hissa ban jaye gi……

Ajeeb saanehaa guzraa hai mujh pe aaj ki sham,

Ajeeb saanehaa guzraa hai mujh pe aaj ki sham,
Main aaj shaam tumhare hijar main udaas na tha,

Ab aik saal to yeh aik gham hi kaafi hai,
Tumhari salgiraah par bhi tumhare paas na tha..

Shaed unhen ka ajar mere kaam aa gea

Shaed unhen ka ajar mere kaam aa gea
Jin doston ne chor dia waqt par muje

Esi ujrdi hy meri rooh ki galyan ab ke

Esi ujrdi hy meri rooh ki galyan ab ke
Regzarey teri amad ke nishan dhondti hay

Teri yadon ki rawani or ye december

Teri yadon ki rawani or ye december
Meri batein , teri kahani or ye december
Mera hath tera sath , lambi sarak or ye
December
Gum sum shaamain , sunehri raatain or ye
December
Bheigy din , madham suraj , halky badal or ye
December
Behti nadiya , gaatay panchi , urti dhund or ye
December
Tanha me , tanha chand , mera kamra or yeh
December
Meri ankhein , mere aansu , meri neend , tere khawab or ye
December

Mard Honi Chahiye, Khatoon Hona Chahiye,

Mard Honi Chahiye, Khatoon Hona Chahiye,
Ab Grammer Ka Yehi Kanoon Hona Chahiye,

Nursery Ka Daakhla Bhi Ab Sar’sari Mat Janiye,
Aap Ke Bache Ko Aflaatoon Hona Chahiye,

Raat Ko Bache Parhayi Ki Aziyat Se Bache,
In Ko TV Ka Bohat Mamnoon Hona Chahiye,

Doston English Zaroori Hai Hamare Wastey,
Fail Honey Ko Bhi Koi Mazmoon Hona Chahiye,

Sirf Mehnat Kya Hai Anwar Kamyaabi Ke Liye,
Koi Ooper Se Bhi Telephone Hona Chahiye..

Dil hatheli per liye sab ne qataar-ain baandh leen

Dil hatheli per liye sab ne qataar-ain baandh leen
Sab ne aankho’n ki sajai kehkasha’n tere liye
Apni umeedo’n k taaray tery aagay rakh diye
Kar diya sab ne zameen ko aasman tery liye

Cactus jaisay hain ye mery dar-o-deewar bhi
Mera kamra hai dasht-e-be-ama’n mery liye
Mein to sardi’on ki thitharti raat ka mehtaab hun
Kon kholta hai ghar ki khirki’an mery liye

Gino sab hasratain jo khoo’n hui hain tan k maqtal mein

Gino sab hasratain jo khoo’n hui hain tan k maqtal mein
Mery qaatil hisaab-e-khoon aisay nahi hota

kyonkar us but se rakhun jan aziz

kyonkar us but se rakhun jan aziz
kya nahin hai mujhe iman aziz

dil se nikla pa na nikla dil se
hai tere tir ka paikan aziz

tab laye hi banegi 'Ghalib'
baqia sakht hai aur jan aziz

Sabat rahe ga kis ka gariban bahar ka

Sabat rahe ga kis ka gariban bahar ka
Gulshan me urr chali hai kisi gulbadan ki baat

Humen ata nahin hai har kisi k samne jhokana,

Humen ata nahin hai har kisi k samne jhokana,
Hum ehal e fikar hain adat e darbari nahin rakhate.

mere phelo se tere phelo ki khushboo nahi jati

mere phelo se tere phelo ki khushboo nahi jati
tere badan ke sare gulab abtak mehkte hain
mere laboon ko tere laboon ki halawat nahi bholi
sansoon meinmeri teri sansoon ke shule dehkte hain
nazroon mein sari umer tere milne ka manzar thera
shab-e-tanhai mein teri yaad ke jugnoo chamkte hain

Ab Hum Visaal-e-Yaar Se Bezaar Hain Bohat

Ab Hum Visaal-e-Yaar Se Bezaar Hain Bohat
Dil Ka Jhukao Hijar Ki Jaanib Balaa Ka Hai

Zara chehre se zulfon ko hatao

Zara chehre se zulfon ko hatao
Ye kaisi sham hoti ja rahi hai

Nigah e qeher se daikha yahi ghanemat hai

Nigah e qeher se daikha yahi ghanemat hai,
Muje to app se umeed is qadar bhi na thi.

Shair logon ke bohat yaad hain auron ke liye

Shair logon ke bohat yaad hain auron ke liye,
Tu milay to main tujhe shair sunaaon apne..

Ek Muhabbat Kaafi Hai

Ek Muhabbat Kaafi Hai
Baaqi Umr Izaafi Hai

adan say rooh jaati hay to bichh’ti hay Saff-e-Matam,

adan say rooh jaati hay to bichh’ti hay Saff-e-Matam,
Magar kirdaar mar jaaye to kyun maatam nahi hota….!!

Mili saza jo mujhe wo kisi khata pe na thi faraz

Mili saza jo mujhe wo kisi khata pe na thi faraz
Mujh pe jurm jo saabit howa wo wafaa ka tha

Mere humsafar Teri Be-Rukhi Dil e mubtala Ki Shikst hy

Mere humsafar Teri Be-Rukhi Dil e mubtala Ki Shikst hy
Isy Kis Trah Main Kahun Fatah Ye Meri Ana Ki Shikst hy

Tu Chala Gya mujhy Chor Kar Main Ny Phir Bhi tUjh Ko Sadaien Dien
Mere hUmSafar tu Ruka Nahi Yeh Meri Sada Ki Shikst hy

Tujhy La Ky Dil Mein Bitha Diya tujhy Raz Har Ek Bata Diya
Tu Ny Phir Bhi kOi Wafa Na Ki Yeh Meri Wafa Ki Shikst hy

Main Charagh e Kuhna Mizaj Tha tUjhy BijliyOn Ki Talab Rahi
MUjhy AndhiyOn Ny bujha Diya Yeh Meri Ziya Ki Shikst hy

Mujhy Is Tra Na Satao Gy mUjhy Zoam Tha K Na Aao Gy
Mera Ghalat Wehm O Guman Hy ye Meri Inteha Ki Shikst hy

Mjhy kOi tujh Sey Gila Nahi tu Mila Tha Kab K BiChar Gya
Mery jUrm Ki hy Yahi Saza Yeh Meri Saza Ki Shikst hy

Meri KhamOshi Ky Byan Ko tu Smajh Ky Bhi Na Smajh Saka
Mere Aansoun Ka Pyaam Hi Dil e Be-Nawa Ki Shikst hy

Gham e Dastan e Hyaat Key Sab Hi Tazkarey huye RayeGan
Mere CharaGar Tera Ye Hunar Meri Har dUa Kii Shikst hy

Raha Gurdishon Main Hardam Mere Ishq Ka Sitara

Raha Gurdishon Main Hardam Mere Ishq Ka Sitara
Kabhi Dagmagai Kishti Kabhi Kho Gia Kinara

Koi Dil K Khel Dekhe K Mohabbaaton Ki Bazi
Wo Kadam Kadam Pe Jeete, Main Kadam Kadam Pe Hara

Ye Hamari Bad Nasibi Jo Nahin Hai To Aur Kia Hai
K Usi K Ho Gai Hain, Jo Na Ho Saka Hamara

Mujhay yaad koi dua nahi, Meray humsafar abhi soach lay

Mujhay yaad koi dua nahi, Meray humsafar abhi soach lay
Tu meri jabeen pay likha nahi, meray hum safar abhi soach lay

Abhi rasta bhi hai dhool main, abhi faida bhi hai bhool main
Abhi mujh ko tujh say gila nahi, meray hum safar abhi soach lay

Rim jhim rim jhim baras rahi hai,

Rim jhim rim jhim baras rahi hai,
Yaad tumhaari qatraa qatraa…

Aarzu Hai Wafa Kare Koi

Aarzu Hai Wafa Kare Koi,
Jee Na Chahe To Kya Kare Koi,

Gar Marz Ho Dawa Kare Koi,
Marne Wale Ka Kya Kare Koi,

Koste Hai Jale Hue Ko Kya,
Apne HaQ Mein Dua Kare Koi,

Unse Sab Apni Apni Kehte Hai,
Mera Matlab Ada Kare Koi,

TuM Saraapa Ho Soorat-E-Tasveer,
TuMse Phir Baat Kya Kare Koi,

Jin Mein Laakhon Baras Ki Hoorein Ho,
Aisi Jannat Ko Kya Karein Koi.

Baat Nikli To – Urdu Poetry

Baat Nikli To – Urdu Poetry

Khabi Khud Pe Khabi Halat Pe Rona Aaya…
Baat Nikli To Har Ik Baat Pe Rona Aaya…
Hum To Samje Te K Hum Bhol Gaye Hain Un Ko…
Kia Hova Aaj Ye Kis Baat Pe Rona Aaya…
Kis Liye Jeete Hai Hum Kis K Liye Marte Hai…
Baarha Aise Sawalaat Pe Rona Aaya…
Kon Rota Hai Kisi Aur Ki Katir Ae Dost…
Sab Ko Apni Hi Kisi Baat Pe Rona Aaya…
Khabi Khud Pe Khabi Halat Pe Rona Aaya…
Baat Nikli To Har Ik Baat Pe Rona Aaya…

Zolam kar k wo sub se pochata hai

Zolam kar k wo sub se pochata hai
Is tarah dil ka sakhan bhi hai koi

Ye mojza bhi mohabbat kabhi dekhaye mujhe,

Ye mojza bhi mohabbat kabhi dekhaye mujhe,
Ke sang tujh pe giray aur zakhaam aye mujhe..

MERE KHUDA MUJHE LAKHON ME DHOOND K DE DE

MERE KHUDA MUJHE LAKHON ME DHOOND K DE DE
WO JO KAANTON PE SAATH-SAATH CHALNY WALA HO

Meri Zindgi K Chirag Ka Ye Andaz Koi Neya Nahi

Meri Zindgi K Chirag Ka Ye Andaz Koi Neya Nahi
Kabhi Roshni ` Kabhi Teergi ` Na Jala Hua Na Bhuja Hua,

Muje Aap Kiun Na Samjh Saky Ye Apny Dil Se Poochhiye
Meri Dastan-E-Hayaat Ka Hai ` Har Waraq Waraq Khula Hua,
…
Muje Hamsafar Bhi Mila Koi ” To Meri Tarah He Luta Hua
Kabhi Manzilon Se Hata Hua Kabhi Qafilon Se Luta Hua,

Muje Ek Gali Mein Para Hua Kisi Badnaseeb Ka Khat Mila
Kahin Khoon-E-Dil Se Likha Hua ` Kahin Aansuon Se Mita Hua !

Ye dunya gum to deti hai shareek-e-gum nahi hoti

Ye dunya gum to deti hai shareek-e-gum nahi hoti
kisi k door jany se mohabat kam nahi hoti

Ab Ke Yun Bhi Teri Zulfon Ki Shikan Tooti Hai

Ab Ke Yun Bhi Teri Zulfon Ki Shikan Tooti Hai
Rung Phootey Kahin Khushboo Ki Rasan Tooti Hai

Maut Aai Hai Ke Taskeen Ki Saa’t Aai
Saans Tooti Hai Ke Sadiyon Ki Thakan Tooti Hai

Dil Shikasta Tou Kai Baar Howay Thay Laikin
Ab Ke Yun Hai Ke Her Ek Shaakh-e-Badan Tooti Hai

Itni Be-Rabt Mohabbat Bhi Kahan Thi Apni
Darmiyaan Se Kahin Zanjeer-e-Sukhan Tooti Hai

Silsila Tujh Se Bicharnay Ka Kahan Khatam Howa
Ek Zamaaney Se Raah-o-Rasm-e-Kuhaa.n Tooti Hai

Mere Yaaron Ke Tabassum Ki Kiran Maqtal Mein
Nok-e-Neza Ki Tarha Zair-e-Kafan Tooti Hai

Reza Reza Mein Bikharta Gaya Her Suu “Mohsin”
Sheesha Sheesha Meri Sangeeni-e-Fun Tooti Hai

Ku Baku Phail Gaee Baat Shanasai Kee

Ku Baku Phail Gaee Baat Shanasai Kee
Us Ne Khushbu Kee Tarah Meri Pzeeraie Kee

Kiase Keh Doon K Mujhe Chorr Diya Us Ne
Baat To Sach Hai Maggar Baat Hai Ruswaaie Kee

Woh Kahein B Giya, Loutaa To Merey Paas Aaya
Bas Yahi Baat Hai Achhi Mere Harjaie Kee

Us Ne Jalti Hui Peshaani Pe Jabb Haath Rakhaa
Rooh Tk Aa Gaie Taa'seer Maseehai Kee

Kuch Dard Liye Iss Duniyaa Main Rehta Parhtha Hay

Kuch Dard Liye Iss Duniyaa Main Rehta Parhtha Hay
Roz Jeena Parhtha Hay Roz Marnaa Parhthaa Hay

Aagahi Kay Azaab Kay Saath Guzarti Hay Zindagi To
Iss Karb-e-Musalsal ko Hamesha Sehna Parhtha Hay

Agarchey Nafs Ki Ghulaami Say Azaad Hobhi Jaye Bashar
Phir Bhi Zarooraton Kay Jehad Ko Larna Parhtha Hay

Bohat Unwaanon Say Ibarat Hotey Hain Iss Jahan Kay Gham
Har Chand Kay Khushi Kay Nisaab Ko Bhi Parhna Parhtha Hay

Iss Umer-e-Raigaan Kay Haadsaat Say Ham Sambhal Hi Gaye
Maslehat Kay Tehat Hi Sahi Yah Kaam Bhi Karna Parhtha Hay

Katthin Aur Dushwaar Raaston Per Chal Kar Milta Hay Wasl
Uskay Liye Hijr Ki PurKhaar raah Say Guzarnaa Parhtha Hay

Saba Taluqaat Jab Banney Lagey Rooh Ka Azaab
Inn Saarey Taluqaat say Phir Mukarna Parhtha Hay

Aye Maan Mujhe Neend Nahi Aati

Aye Maan Mujhe Neend Nahi Aati……
Mujhe Apni Aaghosh De Do
Mere Maathe Par Lab Mohabbat Rakh Do
Mujhe Meethi Loori Suna Do
Mere Sare Gham Mita Kar
Apne Seene Ki Thandak Mein Chupa Loo
Aye Maan….!
Muddat Hui Mein Rooya Nahi Hun
Kai Raatein Kat Gayn Mein Sooya Nahi Hun

Badban Khulne Se Pehle Ka Ishara Dekhna,

Badban Khulne Se Pehle Ka Ishara Dekhna,
Mein Samandar Dekhti Hun, Tum Kinara Dekhna

Yun To Bicharna Bhi Bohat Aasaan Na Tha, Us Se Mager,
Jate Jate Us Ka Wo Mur Kar Dobara Dekhna

Kis Shabahat Ko Liye Aaya Hai Darwaze Pe Chand
Aye Shab-e-Hijran Dara Apna Sitara Dekhna


Aaine Ki Aankh Hi Kuch Kam Na Thi Mere Liye
Jane Ab Kia Kia Dikhaye Ga Tumhara Dekhna

Hamein Pata Tha Ke Teri Mohabbat Ke Jaam Mein Zehar Hai

Hamein Pata Tha Ke Teri Mohabbat Ke Jaam Mein Zehar Hai,
Lekin Tere Pilane Mein Khaloos Itna Tha Ke Ham

Tu ne manaya hi nahin…

Baar’haa aese laga,
Jese tera hath,
Mere baalon ko chuaa ho,
Tu ne mujhse kaha ho lekin,
Raat bhar rootha raha,
Tu ne manaya hi nahin…

Jaise guzra hawa bhi to mere darwaze se

Jaise guzra hawa bhi to mere darwaze se
Ab hawa bhi teri pael ki khanak lagti hai

Gali mein paon ki manoos ahatoun ki sada

Gali mein paon ki manoos ahatoun ki sada
Hui hai dar pe jo makhsoos hath ki dastak
K jaisay a hi gaya ho wo jis ne aana tha
Magar jo dekhta hon khol kar mein darwaza
Tou meri aankhon ko kuch bhi nazar nahi aata
Main sochta hun k ye intezaar jaari rahay………

Agar milaap k dhagon ne hum ko jor diya
Agar visaal k phoolon ko main ne choom liya
Agar firaq ki raaton ko mein ne chor diya
Main intezaar ki khushboo ko bhool jaon ga
Main sochta hun k ye intezaar jaari rahay………

Jo meri aankh ki gehraiyon mein jhaank sakay
Jo meray hath ki tehreer se shinasa ho
Wo jis ke zehn ka saya bhi mera apna ho
Wo jis ki subh bhi meri ho shaam bhi meri
Main intezaar usi aadmi ka karta hun

Jo meri soch ki galiyon mein roshni kar de
Jo meray dekhnay ka daira wasee kar de
Jo roz dil k kiwaron mein a k jhaankti ho
Jo meri shab k piyolon mein roshni bhar de
Main intezaar usi roshni ka karta hun……….

Wo jis ki chaon ki khushboo mein tu mila tha mujhe
Wohi udaas shajar teri raah dekhta hai
Wo waqaiya jo meri yaad ka sawaira hai
Wo waqt jab k mein teray hi paas rehta tha
Main intezaar usi zindagi ka karta hun

Ishq k wajibaat kese don

Ishq k wajibaat kese don
Tum ne kya mere paas chora hai

Yun Wafa Kay Silsilay Musalsal Na Rakh Kisi Say Mohsin

Yun Wafa Kay Silsilay Musalsal Na Rakh Kisi Say Mohsin
Log ik Khata Ky Badly,Saari Wafaein Bhool Jaaty Hain

tere dar pe vo aa hi jaate hain

tere dar pe vo aa hi jaate hain
jin ko piine kii aas ho saaqii

aaj itanii pilaa de aa.Nkho.n se
Khatm ri.ndo.n kii pyaas ho saaqii

halqaa halqaa suruur hai saaqii
baat koi zaruur hai saaqii

terii aankhain kisii ko kyaa de.ngii
apanaa apanaa suruur hai saaqii

terii aankhon ko kar diyaa sajadaa
meraa pahalaa qusuur hai saaqii

tere ruKh pe ye pareshaa.N zulfein
ik a.Ndhere mein nuur hai saaqii

terii aankhain kisii ko kyaa de.ngii
apanaa apanaa suruur hai saaqii

piine vaalon ko bhii nahi maaluum
maikadaa kitanii duur hai saaqii

Rafaqton K Naye Khwab Khush'numa Hain Mgr

Rafaqton K Naye Khwab Khush'numa Hain Mgr
Guzar Chuka Hai Tere Aitbaar Ka Mosam...

teri soorat sa kisi ki naheen milti soorat

teri soorat sa kisi ki naheen milti soorat
hum jahan main ter tasveer lia phrtay hain

Be sakhta bikhar gai jalwon ki kainat

Be sakhta bikhar gai jalwon ki kainat
Aina tot kar teri angarai ban gea

Hauslaa tujhko na tha mujhse judaa hone ka

Hauslaa tujhko na tha mujhse judaa hone ka
Warnaa kajal teri ankhon mein na pheyla hota

Raat ke samundar mai doob gay shaam

Raat ke samundar mai doob gay shaam
mery bhi seeny mai aye meri shaam

badal thy kamray mai bikhary pardy
bistar pay laiti hoi thi thaki hoi shaam

Band kieye bethy howay thy yadon ka ghar
darwaza khol kar chali gy shaam

Saray badan ka tanao fiza mai sham
kesi kesi kaprdy mai phansi hoi shaam

Taron ki ankhon mai kirno ke neezy
suraj ke seeny mai chupi hoi shaam

Thakey thakey pedal ke beech chaley suraj
ghar ki taraf loti daftar ki shaam

Ab mery baghair eid kaisy manao gi maan

Kehta tha na mujh ko pardes bhejo maan,
Ab mery baghair eid kaisy manao gi maan,

Sab k bety jab aayen ge eid parh ke,
Tum darwazy mein khari takti reh jaogi maan,

Saway’yan jab bantny lago gi mohally mein,
Tumhari palk aanson se bheeg jaye gi maan,

Sham tak bhi jab na pohnch paonga ghar,
Tery dil ki dharkan jaisy ruk si jayegi maan,

Eid parh kr jab wapis aaonga duty pe,
Tasali ye dil ko de kr so jaonga maan,
Eid ka kiya hai agly saal phir ajyegi maan

Mein gurez kya karta us ke sath chalne se,

Mein gurez kya karta us ke sath chalne se,
Zakham to nahin bharta raaste badalne se,

Ishrat shabana to yaar ki razaa se hai,
Yeh khushi nahin milti sirf sham dhalne se,

Aarzuu ki chingaari kab tak sulag sakti,
Bujh gaya hai dil akhir bar bar jalne se,

Zindagi ka har mohra be-rukhi ke rukh par hai,
Yeh bisaat ultey gi aik chaal chalne se,

Doobta hua suraj kya mujhe ujaaley ga,
Main chamak uthoon shayed chand ke nikalne se..

Jabb Bhi Aankhon Pe Khab Uttrey Gaa

Jabb Bhi Aankhon Pe Khab Uttrey Gaa
Ekk Musalsal Azzab Uttrey Gaa

Shabnami Dill Ki Phirr Fazzain Hain
Phirr Sulgtta Sahhab Uttrey Gaa


Kon Janey Watan Ki Galion Se
Kabb Lahoo Ka Channab Uttrey Gaa

Garr Na Badli Gai Rawish Apni
Phirr Falak Se Azzab Uttrey Gaa

Be Bassar Aankh Hai, Maggr Kab Tak
Kab Talak Naan Hijjab Uttrey Gaa

Shabb Bhiyanak Hai Parr Yaqin Hai Mujhe
Ru Baru Mahtab Uttrey Gaa

Dekhna, Aarzu Ki Shakhon Parr
Zain, Taza Gullab Uttrey Gaa

Ajab halaat thy meray, Ajab din raat thy meray.

Ajab halaat thy meray, Ajab din raat thy meray. .
Magar mein mutma’inn tha is liye, tum sath thy meray. .

Meray zar k talab’gaaro’n ki nazrain aisay uthti thee’n. .
K laakho’n ungliyan thee’n aur hazaro’n hath thy meray. .

Mein ik pathar ka gard aalood but tha in mandiro’n mein. .
Na dil tha mery seenay mein, Na kuch jazbaat thy meray. .

Kisi se aur kia ta’eed ki umeed mein rakhta?
Wohi khamosh thy jo mehram-e-halaat thy meray. .

Mein jin sho’lon mein jalta tha usey tum bhi nahi samjhay. .
Mera dil mukhtalif tha, Mukhtalif sadmaat thy meray. .

Mujhy mujrim bana kar rakh diya jhootay gawaho’n ne. .
Sabhi radd ho gaye jitney bhi ilzamaat thy meray. .

Tasawwur ban gaya tasweer, aakhir aik din ‘Sajid’
Isi ka khauf tha mujh ko, yehi khadshaat thy meray

Zamane Bhar k Kaamo`n Mein

Zamane Bhar k Kaamo`n Mein
Bohat Masroof Ho Shayad
Humari Yaad Bhi Ab Tou…Tumhei`n Kam Kam Satati Hy
Humara Naam Bhi Aksar
Tumhei`n Ab Bhool Jata Hy
Tumhari Aankh Ko Ab Tou
Koi Sapna Nahi Dikhta
Tumhary Dil Ko Bhi Ab Tou
Koi Chehra Nahi Jachta
Humara Naam Lete Thay
Jo Har Saans k Humrah
Jisey Tum Dil Ki Dharkan Ki Terha
Yaad Rakhty Thay
Usi Ko Bhool Jane Ka
Ye Hi Matlab Hua Na Phir
Zamane Bhar k Kaamo`nMein
Bohat Masroof Ho Shayad

Woh Janti Thi Wafaa Ka Ajar Nahi Hota

Woh Janti Thi Wafaa Ka Ajar Nahi Hota
Muhabaton Main Sabar Ka Samar Nahi Hota
Woh Janti Thi
Muhabat Dukhon Ka Sehraa Hay
Jehan Serab Si Khushyan Hain
…Aur Azaab Say Ghum
Jehan Hay Pyaas Judaai Ki Betahasha Magar
Milan Ki Barishain Hoti Hain Jis Dyar Main Kam
Woh Janti Thi
Muhabat Khiraj Mangti Hay
Woh Jis Ko Dil Ka Lahoo Day Kay Jagmagaya ho
Andheri Rah Kay Lya Woh Chiragh Mangti Hay
Woh Janti Thi
Muhabat Woh Rehguzar Hay Jehan
Bichay Hain Kaanch Judai Kay Beshumar magar
Brehna-pa hi Inhain Paar Kerna Perta Hay
Ghemon Ki Dhoop Main Jab Saibaan Koi Na Ho
Kisi Ki Yaad Ki Chader Ko Taan Ker Khud Per
Tamam Aahain Deba Ker Guzerna Perta Hay
Woh Janti Thi Wafa Ka Ajar Nahi Hota
Muhabaton Main Saber Ka Samer Nahi Hota
Hijer Ki Rah Main Hoti Hay Betahashah ghutan
Wehan Kebhi Bhi hawa Ka Guzer Nahi Hota
Woh Janti Thi Magar Phir Bhi Roag Lay Bethi
Kisi Kay Pyar Main Janay Kun Joag Lay Bethi
Woh Janti Thi Magr Phir Bhi.
PYAAR KER BETHEE

Kaise Kaisey Hadsey Sehtey Rahe

Kaise Kaisey Hadsey Sehtey Rahe
Hum Younhi Jeete Rahe, Hanste Rahe

Uss K Aa Janey Ki Umedein Laye
Raste Murr Murr K Hm Takte Rahe

Waqt To Guzara Mgr Kuch Iss Tarah
Hm Charaghon Ki Tarah Jalte Rahe

Kitne Chehre They Hamarey Aas Paas
Tum Hi TuM Mager Dill Mein Baste Rahe

Marne k bad bhi meri ankhen kholi rahen

Marne k bad bhi meri ankhen kholi rahen
Adat jo parh gai hai tere intazar me

Shareek e juram na hote to makhbari karte

Shareek e juram na hote to makhbari karte,
Humen khabar hai lateron k har thakane ki

Kitne chehron pe rahe aqas meri harat k

Kitne chehron pe rahe aqas meri harat k
Mehrban muj pe hoe aina pekar kia kia

Aye EID tum jab bhi aana, Sab ke liye bus khushiyan lana

Aye EID tum jab bhi aana,
Sab ke liye bus khushiyan lana,
Har chehre par hansi sajana,
Har aangan mein phool khilana,
Jo roye hain unhen hansana!
Jo roothe hain unhen manana.!
Jo bichday hain unhen milana!
Piyari EID tum jab bhi aana!
Sub ke liye khushiyan lana.

Aaj Jagi Hui Yaadon Ko Sula De Saqi

Aaj Jagi Hui Yaadon Ko Sula De Saqi,
Mai Nahi Hai To Mujhe Zehar Pila De Saqi..

Tishnagi Bujh Na Sake Gi Mere Paimane Se,
Mere Honton Ko Surahi Se Laga De Saqi…

Taara-e-Ehsaas Ko Phir Cheer Zara Holay Se,
Aaj Ek Bhoola Hua Geet Suna De Saqi

wo choor gya tab dekhe apni Aankhon k rang

wo choor gya tab dekhe apni Aankhon k rang
hairan alag... pareshan ­ alag... sunsaan alag... bayabaan alag

Apni aaghosh main ek roz chupa lo mujh ko

Apni aaghosh main ek roz chupa lo mujh ko.
Gham e dunya se meri jaan bacha lo mujh ko.
Tum ko de di he isharon main ijazat main ne
Mangny se na mil sakon to chura lo mujh ko.
Apny saye se b ab to muje dar lagta hai.
Ho jo mumkin to nigahon main chupa lo muj ko.
Dil main nakam tamanaon ka tufan sa hai.
Meri uljhan meri wehshat se nikalo muj ko.
Tum ko likhna hai ksi roz ye khat main ne ..!
Hum to khud k b nai, apna hi bana lo mujhko…

na baat ka qaidi hoon na raat ka qaidi hoon

na baat ka qaidi hoon na raat ka qaidi hoon
main to gardish_e_halat ka qaidi hoon

jab se muhabbat huwi hai mujhe
main bus lamhat ka qaidi hoon

maine hamesha hi azaadi chahi
per main apni hi zaat ka qaidi hoon

jab mujhe mila tha wo tab se
main us mulaqat ka qaidi hoon

wo mujhe is liye chor giya shayad
ke main to us ki yaad ka qaidi hoon

Abi zinda hai Maan meri, mujy kuch bhi nahi hoga

Abi zinda hai Maan meri, mujy kuch bhi nahi hoga
Main jaab ghar se nikalta hoon, dua bhi sath chalti haai

Ajab pagal si larki hay

Ajab pagal si larki hay
mujhe har khat me likhti hay
mujhe tum yaad karte ho
tumhai’n me yaad aati ho’n
meri batai’n satati hai’n
meri nendai’n jagati hay
meri aankhai’n rulati hay
Decembr ki sunehri dhoop me
ab bhi tehelte ho
kisi khamosh raste se koi aawaz aati hay
titharti sard raato’n me
tum ab bhi chat pe jate ho
falak k sab sitaro’n ko
meri batai’n sunatay ho
kitabo’n se tumharay ishq me koi kami aai
ya meri yaad ki shiddat se
aankho’n me nami aai
ajab pagal si larki hay
mere har khat me likhti hay
jawabn us ko likhta ho’n
meri masrufiat dekho
subho se sham office me
charag-e-umr jalta hay
phir us k bad dunya ki
kai majborai’n pao’n me
bedia daal rakhti hay
mujhe be’fikr chahat se
bharay sapne nahi dikhte
tehelne jagne roone ki
mohlat he nahi milti
sitaro’n se mile arsa huva
naraz ho’n shayad
kitabo’n se shagaf mera
abhi wese he qaim hay
farak itna bada hay ab
unhe arse me padhta ho’n
tumhai’n kis ne kaha pagli
tumhai’n me yaad karta ho’n
k main khud ko bhulane ki
musalsal justujo’n me ho’n
tuhai’n na yaad aane ki
musalsal justujo’n me ho’n
magar ye justujo’n meri
bohot nakam rehti hay
mere din raat me ab bhi
tumhari yaad rehti hay
mere lafzo’n ki har maala
tumharay naam rehti hay
tumhai’n kis ne kaha pagli
tumhai’n main yaad karta ho’n
purani baat hay jo log
aksar gungunate hai’n
unhe hum yaad karte hai’n
jinhe hum bhool jate hay
ajab pagal si larki hay
meri masrufiat dekho
tumhain DIL se bhulao’n to
tumhari yaad aai na
tumhai’n DIL se bhulane ki
mujhe fursat nahi milti
or is masruf jivan me
tumharay khat ka ek jumla
tumhai’n me yaad rehti ho
meri chahat ki shiddat me
kami hone nahi deta
boht raatai’n jagata hay
mujhe soone nahi deta
so agli bar khat me
ye jumla nahi likhna
ajab pagal si larki hay
mujhe phir bhi ye likhti hay
mujhe tum yaad karte ho
tumhai’n me yaad aati ho’n
tumhai’n me yaad aati ho’n

Yeh Meri Zaat Ki Sab Se Bari Tamanna Thi,

Yeh Meri Zaat Ki Sab Se Bari Tamanna Thi,
Kaash! Ke Woh Mera Hota, Mere Naam Ki Tarhan...

Hum teri aarzoo main jeetey hain

Hum teri aarzoo main jeetey hain
Ye nahi hai tu zindagi nahi

Pooray Chaa_nd Ki Raat Mein

Pooray Chaa_nd Ki Raat Mein
Uss Nay Wada Kiya Tha
Aa Jaye Gaa
Tab Se Ab Tak
Pooray Chaa_nd Ki Kit_ni Raatein Aa Gain
Aor Meri Tan_hai Mere Saath Barhi
Chand_ni Mere Baalon Mein
Chaand_i Kay Taar Paro_ti Gai
Mera Khawa_b Adhora Hai
Par...!!!
Chaan_d To Aaj Bhi Poora Hai!!

faani hum to jeetay ji wo mayat hain gooro-kfn

faani hum to jeetay ji wo mayat hain gooro-kfn
ghrbt jis ko raas na ayi or vtn bhi choot gya

yohi tanha tanha na khaak ura meri jaan meray kareeb aa

yohi tanha tanha na khaak ura meri jaan meray kareeb aa
main bhi khasta dil ho teri tarha meri maan meray kareeb a’a

mai samnadroo’n ki hawa nahi kay tujh ko dekhaye na day sakoo’n
koi bhola bisra khyaal ho na gumaa’n meray kareeb a’aa

na chupa kay zakhm-e-wafa hai kya, teri arzoo’n ki khata hai kya
teri chara ghar na ye zindagi na jaha’n meray kareeb a’aa

tujhay asay wasoo’n ki dosti nay bohat khrab-o-khajal kya
kisi jhoot ka ye naqaab rukh pay na taan meray kareeb a’aa

jo nikal sakay to nikal lay koi waqt apnay liye kabhi
meray pass beth kar ro to lay kisi aa’n meray kareeb a’aa

na maaklma ho na guftago faqat itna ho kay na mai na tu
milay sirf apnay jalay huway dil-o-jaan meray qareeb a’aa

Sun li jo khuda ney wo dua tum to nahi ho

Sun li jo khuda ney wo dua tum to nahi ho,
Darwazey pey dastak ki sada tum to nahi ho,

Simti hoi sharmai hoi rat ki rani,
Soi hoi kaliyon ki haya tum to nahi ho,

Mehsoos kiya tum ko to geeli hoien palkien,
Bheegey hoye mosam ki ada tum to nahi ho,

In ajnabi rahon me nahi koi bhi mera,
Kis ney mujhey yon apna kaha tum to nahi ho.

Kuch Tu Hy Tu Badal Gaya Hy

Kuch Tu Hy?
Tu Badal Gaya Hy !
Vo Teri Ankhon K
Khwab Sary ,
Wo Baaten Sari ,
… Hisab Sary ,
Sawal Sary ,
Jawab Sary ,
Wo Khushiyan Sari ,
Azab Sary ,
Nasha Tha Jo Vo
Uter Gaya Hy !
Kuch Tu Hy ?
Tu Badal Gaya Hy !
Jo Tery Milny Ki
Arzu Thi ,
Jo Tujh Ko Pany Ki
Justhu Thi ,
Hoi Jo Chahat Abi
Shuru Thi ,
Jo Teri Ankhon Men
Roshni Thi ,
Jo Teri Baton Ki
Rangini Thi ,
Jo Teri Sanso Ki
Tazgi Thi ,
Jo Tery Lehjy Men
Chashni Thi ,
Vo Sara Metha Pighal
Gaya Hy ,
Kuch Tu Hy ?
Tu Badal Gaya Hy

afat ki shokhiyan hain tumhari nigah main

afat ki shokhiyan hain tumhari nigah main
mehshar k fitne khelte hain jalwa-gah main

wo dushmani se dekhte hain dekhte to hain
main shad hun k hun to kisi ki nigah main

ati bat bat mujhe yad bar bar
kahata hun daur daur k qasid se rah main

is taubah par hai naz mujhe zahid is qadar
jo tut kar sharik hun hal-e-tabah main

mushtaq is ada k bahot dard-mand the
ae Dag tum to baith gaye ek ah main