Mujhay Aarzo -e- Sehar Rahi Yon Hi Raat Bhar Bari Dair Tak
Na Bikhar Sakay Na Simat Sakay Yon Hi Raat Bhar Bari Dair Tak
Hay Bohat Aazab Or Akelay Hum, Shab -e- Ghum Bhi Meri Taveel Ter
Rahi Zindagi Bhi Saraab Or Rahi Aankh Tar Ba Tar Dair Tak
Yaha Har Taraf Hay Ajeeb Samaan, Sab Hi Khud Pasand, Sab Hi Khud Numa
Dil -e- Be Qaraar Ko Na Mila Koii Chara Gar Bari Dair Tak
Mujhay Zindagi Hay Azeez Tar, Isi Wastay Meray HumSafar
Mujhay Qatra Qatra Pila Zehar Jo Karay Asar Bari Dair Tak
No comments:
Post a Comment