Baat karnay ki kabb mili muhlat
haal ik doosray ka kabb poochha
chandni raat kay dareechay mein
uss nay yeh haath,haathmein na liya
barishon mein kabhi na bheegay saath
dhoop mein dhoond pa'ey kabb saya
uss nay bandha nahin ko'ei peman
main nay manga nahin ka'ei waada
kuchh ajab tarz ki muhabbat thi
kuchh ajab tarah ka yeh ishq huwa
yoonhi ik phool kay chataknay parr
taalib-e-mosemm-e-bahar hain hamm
zindgi kay taweel rastay parr
ik nazar kay gunaah gaar hain hamm!
No comments:
Post a Comment