Bey wafai tu rasam-e-dunia hay dost

Bey wafai tu rasam-e-dunia hay dost
Tum ne bhoool kar kon sa kamal kar dia

Eid Leka Aate Hai Dher Sare Khusiya

Eid Leka Aate Hai Dher Sare Khusiya,
Eid Mita Deta Hai Insan Mai Duriya,
Eid Hai Khuda Ka Ek Nayam Tabarok
Eisi Liye Kahte Hai Sab Eid Mubarak.

Saari dunya samajhti hai ke sodaayi hai

Saari dunya samajhti hai ke sodaayi hai
Ab mera hoshh main aana teri ruswaayi hai

Hamain koi tum sa mil jaye ye na-mumkin sahi lekin…..

Hamain koi tum sa mil jaye ye na-mumkin sahi lekin…..
Tumhain bhi hum sa mil jaye mushkil sa lagta hai…!!!

Dil Ki Tareekh Ho Rahi Thi Raqam

Dil Ki Tareekh Ho Rahi Thi Raqam
Pyar KO Main Ne Haadsa Likha

Teri nigaah ke jadu bikharte jate hain

Teri nigaah ke jadu bikharte jate hain
Jo zakhm dil ko miley woh bharte jate hain

Tere bagher woh din bhi guzar gaye akhir
Tere bagher yeh din bhi guzarte jate hain

Liye chalo mujhe darya-e-shauk ki maujo
Ke hamsafar tou mere paar utarte jate hain

Tamaam umar jahan hanste khelte guzaari
Ab us gali mein bhi hum darte darte jate hain

Mein khawhishon ke gharonde banaye jata hoon
Woh mehntain meri barbaad kiye jate hain

Chahato Mai Khusboon Ka

Chahato Mai Khusboon Ka

Aitbar Na Karna
Chand Ki Udasi Ka
Manziloo Ki Qurbat Ka
Dard Ki Judaii Ka
Be Kali Ki Furqat Ka
Chahato Mai Khusboon Ka
Raaste Mai Logo Ka
Shehar Ki Mohabbat Ka
Pyar Ke Musafir Ka
Hijar Ke Bahane Ka
Aitbar Mat Karna
Aanso’on Ke Bahane Ka
Aitbar Mat Karna

Mere HuMnawa teri Berukhi

Mere HuMnawa teri Berukhi
Dil-e-Mubtila ki Shikast haI …

“Isay kis tarhan Main kahon Fanah
Ye Meri ANNA ki Shikast haI …

“Tu chala gaya Mujhe Chor kar
Main ne phir bhi tujh ko Sadaaein deiN …

“Mere HuMsafar tu Ruka nahi
Yeh Meri Sada ki Shikast haI …

“Tujhe La k Dil Main Bitha diya
Tujhe Raaz her ik Bata diyA …

“Tu ne phir bhi koi Wafa na ki
Yeh MERI Wafa ki Shikast haI …

Kya khazanay meri jaan,hijer ki shab yaad aye

Kya khazanay meri jaan,hijer ki shab yaad aye
Tera chehra,teri ankhain,tere lab yaad aye

Aik tu tha jise ghurbat mein pukara dil ne
Werna bichray hoye ehbaab tou sab yaad aye

Hum ne maazi ki sakhawat pe ju pal bher socha
Dukh bhi kya kya humain yaaron k sabab yaad aye

Phool khilne ka mousam mere dil mein utra
Tere bakhshay hoye kuch zakham ajub yaad aye

Ab tou ankhon mein faqat dhool hay kuch yaadon ki
Hum usay yaad bhi aye tou kab yaad aye

Bhool jane mein woh zalim hay bala ka mahir
Yaad ane pe aye tou ghazab yaad aye

Yeh hunak rut yeh naye saal ka pehla lamha
Dil ki khwahish hay k MOHSIN koi ab yaad aye

Be rukhi barh jayegi tu bewafaa hojayega

Be rukhi barh jayegi tu bewafaa hojayega.
Kya khabar thi mujh se tu itna khafa hojayega.

Tu ne itna bhi na socha chorh kar jatey hoye.
Tere bin kitnaa koi be Aasraa ho jaayega.

Kis ne jaana tha banega jab hamara Aashiaan.
Saara gulshan Bijlioon ke ham-nawa hojayega.

Ik zara si bewaaai bhi sahi jaaati nahi.
Dekhna ye dard hi aik din dawa ho jaayega.

Sochta ho main Shama Sehar ki tarha kaanp k.
Mujh se tu bichra to jane kya hojayeGa

Pagal aankhon wali Larki

Pagal aankhon wali Larki..
Itny mehngy khwab na dekho..
Thak jao gi..

Kanch se nazuk khwab tumhary..
Toot gaye to pachtao gi..
Tum kya jano..

Khwab.. Adhoori raat ka dozakh!
Khwab.. Khayalon ka pachtawa..
Khawabon ka hasil tanhai..

Mehngay khwab khareedna hon to..
Aankhain bechna parti hain..
Rishty bhoolna partey hain..

Andeshon ki rait na phenkho..
Khawabon ki oot saraab na dekho..
pyaas na dekho..

Itny mehngy khwab na dekho…
Thak jao gi..!
Pagal aankhon wali Larki…!

Dar to mujhe kiska hai k main kuch nahin kahta

Dar to mujhe kiska hai k main kuch nahin kahta
par hal ye afshan hai k main kuch nahin kahta

naseh ye gila hai k main kuch nahin kahta
tu kab meri sunta hai k main kuch nahin kahta

kuch gair se honthon main kahe hai pe jo pucho
to wahin mukarta hai k main kuch nahin kahta

naseh ko jo chahun to abhi thik bana dun
par khauf Khuda ka hai k main kuch nahin kahta

chup k se tere milne ka ghar walon main tere
is waste charcha hai k main kuch nahin kahta

ai charagaro qabil-e-darman nahin ye dard
warna mujhe sauda hai k main kuch nahin kahta

har waqt hai dushnam har ek bat pe tana
phir is pe bhi kahta hai k main kuch nahin kahta

?Momin? ba-Khuda sihar bayani ka jabhi tak
har ek ko dawa hai k main kuch nahin kahta

Na Hath Diya, Na Galay Milay, Na Muyassar Tumhari Deed Hui,

Na Hath Diya, Na Galay Milay, Na Muyassar Tumhari Deed Hui,
Ab Tum Hi Batao Aey Saajan Ye Qayamat Hui ke EiD Hui.

Chashm hairan bhi hai, ehed ki paband bhi hai

Chashm hairan bhi hai, ehed ki paband bhi hai
Dil jisay chahta hai us say gila mand bhi hai

Poshish-e-gahm pay na itna bhi koi nazan ho
Is mein hlki si khushi ka kahin pewand bhi hai

Baray,us deed say aankhon ko mila hai kuch chaen
Lekin is dil ki tarap aaj say dochand bhi hai

Aap kay sr mein kisi aur ka soda,herat!
Jb isi sr ki hmaray liay sogand bhi hai

Raat,tnhai,taaqub mein musalsal koi chaap,
Aur jb ilm ho, aagay yeh gli band bhi hai

Nabz pr dst-e-msiha nahin,hai dst-e-hbib
Gr yeh ht jaey to ik aan mein dil band bhi hai

Raat Aayi Dard Ki Chaadar Liye – Hindi Shayari

Raat Aayi Dard Ki Chaadar Liye – Hindi Shayari

Raat Aayi Dard Ki Chaadar Liye Hue
Soye Rahe Yeh Bojh Palkon Par Liye Hue
Raaste Mein Mujhko Be-Ghar Dekh Kar
Dost Aaye Hai Haath Mein Patthar Liye Hue

Aaj Uske Samne Jayenge Hum
Apne Hi Haathon Mein Apna Sir Liye Hue
Meri Aankh Umer Bhar Hasti Rahi
Ek Suhane Khwaab Ka Manzar Liye Hue

Log Aapas Mein Gale Milte Rahe
Aastinon Mein Chhupe Hue Khanzar Liye Hue
Gardishein To Ek Bahana Thi Magar
Khwaahishein Phirti Rahi Dar Dar Liye Hue

Teri Raah Takte Rahe Par Tu Nahi Aayie
Baithe Rahe Teri Mehfil Mein Khali Jaam Liye Hue
Dhalti Dikh Rahi Hai Zindagi Ki Ghadiyaan
Koi Aa Raha Hai Haathon Mein Maut Ka Paigham Liye Hue

kabi jo hum nahi hon gay

kabi jo hum nahi hon gay…
kaha kis ko batao gay…
wo apni uljanein sari..
wo becheini main doobe pal….
wo aankhon main chupe aansu…
kise phir tum dikhao gay…
kabi jo hum nahi hon gay…
boht bechan hon gay…
boht tanha reh jao gay…
abi b tum nahi samjhay…
humari ankahi batain…
mgr jab yaad aayein gay…
boht tum ko rulayein gay…
boht chaho gay phir b…
hamay na doond pao gay…!!

Valentines k din Mein Deta Hon Yakeen

Valentines k din
Mein Deta Hon Yakeen
K Mein Janam Janam Se
Tumhara Tha
Tumhara Hon
Tumhara Hee Rahon Ga
Meri Mohabbat Meri Chahhat
MEri Pyass Bhi Tum Hee Ho
Tum Hee Raho Gee
Mera Sab Kuch
Mere Alfaz
Mere Jazbaat
Mere Ehsaasaat
Sab Tum Se
Shurru Hote hain
Aur Tum Per Hee Khatam Hote Hain
Zindagi K Her Morr Per
Mein Tumhari Perchaii (saaya )
Ben K Rahon Ga . . .

Unki yaad itni ayee ke khud ki yaadashat ka pta nahi,

Unki yaad itni ayee ke khud ki yaadashat ka pta nahi,
Woh znaaja ke ghoomte rahe aur meri laash ka pta nahi..

Kion kahon dida tar ye to mera chehra hai

Kion kahon dida tar ye to mera chehra hai
Sang kat jate hain barish ki jahan dhahar gire

Superd e Khaak Kar Dala Teri Aankhon Ki Masti Ne

Superd e Khaak Kar Dala Teri Aankhon Ki Masti Ne
Hazaroon Saal Gee Lete Agr Tera Deedar Na Hota

Mohabbat Buri Hai, Buri Ha Mohabbat

Mohabbat Buri Hai, Buri Ha Mohabbat
Kahe Ja Rahe Hain, Kiye Ja Rahe Hain

Kidhar Gaya Wo Mujhe Khaak Se Rehaa Ker Ke

Kidhar Gaya Wo Mujhe Khaak Se Rehaa Ker Ke
Pata Chale Gaa Hawaaon Se Raabta Ker Ke

Jahan Bhi Jaon Ga Dukh Mere Saath Jaye Ga
Ke Jaise Jurm Kiya Hai Koi Wafaa Ker Ke

Jo Kal Ki Subha Hai Meri Hai Ya Kisi Ki Nahiin
Main Teergi Se Larra Huun Ye Faisla Ker Ke

Mitta Hee Laite Hain Mehroomi-e-Bahaar Ka Gham
Tumhari Bazm Main Phoolon Ka Tazkra Ker Ke

Kisi Ne Aag Jalaii Hai Parbaton Pe
Koi Chala Hai Samandaron Main Raasta Ker Ke

Teri Ulfat Ko – 140 Words Shayari

Teri Ulfat Ko – 140 Words Shayari

Teri Ulfat Ko Kabhi Nakam Na Hone Denge
Teri Dosti Ko Kabhi Badnam Na Hone Dnge
Meri Zindagi Me Suraj Nikle Na Nikle
Teri Zindagi Me Kabhi Sham Hone Na Denge

Kabhi yaad aao tou iss terha

Kabhi yaad aao tou iss terha

K lahu ki sari tamazatein
Tmhein rang rang samet lain
Tmhein dhoop dhoop nikhar dein
Tmhein harf harf mein sooch lein
Tujeh dekhney ka jo shok hou
Tou dayar-e-hijar ki teerge ko
Nakhun ki nook se nooch lein

Kabhi yaad aao tou iss terha
K dil o nazar mein sama sakoo
Kabhi hadd se aagey juno barhey
Tou hawas ban ke bikhar sakoo
Kabhi khil sakoo shab-e-wasal mein
Kabhi khun-e-dil mein sanwar sakoo
Sar-e-rahguzar jo kabhi milo
Na thehr sakoo, na guzar sakoo

Mera dard phir se ghazal bane
Kabhi gungunao tou iss terha
Mere zakham phir se gulab hon
Kabhi muskurao tou iss terha
Meri dharkanein bhi laraz uthein

Kabhi dil dukhaoo tou iss terha

Jo nahi tou phir baree shok se
Sabhi rabtee sabhi zabtee
Kahein dhoop chaoon ma tor do
Na shikast-e-dil ka sitam sahoo
Na suno kisi ka aazab-e-jan
Na kisi se apni khalish kahoo
Yunhi kush raho, yunhi kush phiro

Akeli tu bhi hai, mera bhi door hai mehboob

Akeli tu bhi hai, mera bhi door hai mehboob
Galey tou mil eid ayi hai shab-e-hijran mein

Ameeron ke liye tou har roz eid hai
Ghareeb khush hon tou janein eid ayi hai

Khuli jb se aankh to is soch main gum hon

Khuli jb se aankh to is soch main gum hon
kaisay beetay ga ik or din us k baghair

Iss Zindagi Se Phirr B, Hamein Kuchh Gilla Nahin

Iss Zindagi Se Phirr B, Hamein Kuchh Gilla Nahin
Iss Bewafa Nay Chahey, Hamein Kuchh Diya Nahin

Thehro, Zarra To Thero K Kiss Simat Jao Gay
Toofan Dekhna K Abhi Tak Talla Nahin

Hargez Na Sarr Jhukka, Kissi Jabir K Samney
Zalim Hai Aor Bass K Wo Koi Khuda Nahin

Jewan K Seekh Jao Gay, Sab Dao Pech Tum
Neki Ka Iss Jahan Mein Koi Sillar Nahin

Taareef Kiya Karey Ga Falak Zindagi Ki Wo
Jiss Ko Gham e Hayat Se Kuch Wasta Nahin

Manzoor Kab Thi Humko Watan Se Ye Dooriyan

Manzoor Kab Thi Humko Watan Se Ye Dooriyan
Halaat Ki Jafaon Se Majboor Ho Gye

Zindagi Honay Lagi Jub Say Basar Yahoo Per

Zindagi Honay Lagi Jub Say Basar Yahoo Per
Roze Karta Hoon Naya Aik Safar Yahoo Per

Shaam Takk Rehti Hai Jaari Tugg-O-Dau Rozi Ki
Aur Phir Raat Say Hoti Hai Sahar Yahoo Per

Faaslay Abb Kahan Haayal Rahay Insaanon Mein
Kar Hi Laitay Hain Mulaaqat Magar Yahoo Per

Ilm Ka Aik Samandar Hai Pyaason Kay Liay
Dekh Nadaan Koi Ilzaam Na Dhar Yahoo Per

Sirf Dunya Hi Naheen Door Khalaaon Tak Kee
Dhoondnay Waalon Ko Milti Hai Khabar Yahoo Per

Yeh Alag Baat Keh Awaargiyaan Bhi Hain Bohat
Pakray Jaanay Ka Bhee Koi Naheen Darr Yahoo Per

Aisa Lugta Hai Keh Guzray Ga Burhaapa Kuch Yoon
Dhyaan Maazee Mein Kaheen Gum Tau Nazar Yahoo Per

Koi Tum Say Poochay Kon Hoon Main

Koi Tum Say Poochay Kon Hoon Main
Tum Keh Dena ?Koi Khaas Nahi?
Ek Dost Hay Kaccha Paka Sa
Ek Jhoot Hay Aadha Sacha Sa
Jazbaat Ko Dhaanpay Ek Parda
Bus Ek Bahana Accha Sa
Jeevan Ka Aisa Sathi Hay
Jo Door Nah Ho K Pass Nahi
Koi Tum Say Poochay Kon Hoon Main
Tum Keh Dena Koi Khaas Nahi

Mumkin hai palat kar main chala aaon safar se,

Mumkin hai palat kar main chala aaon safar se,
Woh naam tou ley rooh ki gehraayi se mera..

Sard ratain phir Dar pe dastak denay lagien

Sard ratain phir
Dar pe dastak denay lagien
Jaisey udasiyan pichley baras
Ki loutney hon lagien
Phir aik kohra bahir chah jaye ga
Doja kaheen ander buhat gehrai may
Sar uthaye ga

Jugnu bhi yaadon ke ooud ayen ge
Sung kuch
Talkhiyan
Wehshatain
Aahatain
Kuch zakhm zakhm muskrahatin
Kuch tooti kirchi kirchi chahatain
Bhi le ayen ge

Jab bhi khunk hawa
Kuwar meray bajaye gi
Tamam khunki tab
Meray lahu may utar jaye gi
Chandni bhi hogi sehmi sehmi
Raastey sub sanaton ki
Oorh kar chadar
Meethi neend
Sojayen ge

Fursatain bhi humain hongi haasil
Apne kamal ki
Aur
Aalam-e-takhiyul may
Dareechey kaie khul jayen ge
Aur
In sub may kaheen
Ooas qatron ki maanind
Ashk palkon pe meray
Tanha tehar jayen ge

Nahi Fursat Yaqeen Jano Humain Kuch or Krny Ki

Nahi Fursat Yaqeen Jano Humain Kuch or Krny Ki
Teri Batain... Teri Yadain... Bohat Masroof Rakhti Hain

Mohabbat chikhati rahi

Mohabbat chikhati rahi
Dil katra katra
Ruh ki tanhaiyon main rota raha
Aankheen tumara aks sajaye
Shabnam shabnam ro kar
Nadeyan bahati raheen
Hasarteen duub gayen
Khuwab jazere gham ka samandar ho gaye
Magar main phir bhi zinda houn
K main ne khud se naheen
Tumari amanat main khyanat ki
Tuj se kiye ahed ko pamal kiya
Tere khayal se zahen ko azaad kiya
Kyun ?
Yeh bhi tuj se keh na paoun gi
K tera dard sah na paoun gi
Is liye sare tufaan
Apni ruh main samete
Main apni maslehton ki dour se bandhi
Tareekh rahoon pe gamzen
Jane kis ghari
Koun se khad main
Mout k betah kunween main ja basoun

Sweet Khushboo Hindi Poetry

Sweet Khushboo Hindi Poetry

Wo to khushbu hai hawaon may bikhar jayega
Masala phul ka hai phul kidhar jayega

Ham to samajhe the ke ek zakhm hai bhar jayega
Kya khabar thi ke rag e jan may utar jayega

Wo hawaon ki tarah khanabajan phirata hai
Ek jhonka hai jo ayega guzar jayega

Wo jab ayega to phir us ki rafaqat ke liye
Mausam e gul mere angan may thahar jayega

Akhirash wo bhi kahin ret pe baithi hogi
Tera ye pyar bhi dariya hai utar jayega

Wo sham jaisy sisak rahi thi

Wo sham jaisy sisak rahi thi
Kay zard patiyon ko andheyon nay Ajeeb kisa suna diya tha

Kay jisko sun k tamam paty
Sisak rahy thy bilak rahy thy
Jany kis sanhay kay gham men
Shajar jarhon sy aukharh rahy thy

Boht talasha tha ham nay tm ko
Her aik rasta , Her aik wadi
Her aik perbat , Her aik ghati
Kahen say teri khabar na aae

To ye keh k ham ny dil ko tala
Hawa Thamay ge to daikh len gay
Ham usky raston ko dhoond len gay
Magar hamari ye Khush khayali Ham ko barbad kar gae the

HAWA THAMI THE ZAROR LEKIN
Bhari he mudat guzar chuki the
Hmary balon k janglon men
sufaid chandi uter chuki the

Falak pay tary nahe rahy thy
Gulab pyary nahe rahy thy
Wo jinsy basti the dil ki basti
Wo log sary nahe rahy thy

Ye Almiya sab sy bala tar tha
Kay Ham tumary nahe rahy thy
Kay tum hmary nahen rahay thy

HAWA THAMI THE ZAROR LEKIN

Apni Khamosh Zindagi Main Bolana Mujh Ko

Apni Khamosh Zindagi Main Bolana Mujh Ko
Apnay Haseen Khowab Ki Tasveer Banana Mujh Ko

Main Jo Pucho Tumhara Haal -e- DIL
Tu Apni Har Dharkan Ki Aawaz Sunana Mujh Ko

Main Jo Kabhi Routh Jao Tum Say Ager
Tu Bohat Pyaar Say Manana Mujh Ko

Jo Kabhi Ho DIL Main Hasrat Tumhari Koii
Bila Jhijhak Apni Har Hasrat Batana Mujh Ko

Jo Ho Jao ZINDAGI Main Tanha Kesi Pal
Apni Pyaar Bhari Aawaz Say Bulana Mujh Ko

Umar bhar ka maan toota, aur kya,

Umar bhar ka maan toota, aur kya,
Morr aya, sath choota, aur kya,

Kon sach kehta hai, sach sunta hai kon,
Main bhi jhoota, tu bhi jhoota, aur kya,

Jaan se jaana zaroori to nahin,
Aashiqui mein sar to phoota, aur kya,

Rote huye laal pathar ho gaye,
Rafta rafta rang choota, aur kya,

Reh gaya tha yaad ka rishta faqat,
Akhrish yeh pul bhi toota, aur kya,

Us ki ankhain bhi kabhi sach bolti’n,
Dil to tha jhooton sa jhoota, aur kya,

Ghair to they ghair apne aap ko,
Sab se barh kar hum ne loota, aur kya,

aao dekho to zara baagh-e-wafaa,
Ab koi gul hai na boota, aur kya,

Fitna samaani mein yaksaan hain Faraz,
Apna dil ho ya kahuta, aur kya..

Puchti hai dunya ye kahani mujh se

Puchti hai dunya ye kahani mujh se
q hasad karti hai darya ki rawani mujh se

main choor aya oske hathon pe apny honton k nishan
osne mangi thi mohabat ki nishani mujh se

Aurat Se Duniya Kushnomayi Hai – Aurat Shayari

Aurat Se Duniya Kushnomayi Hai – Aurat Shayari

Aurat Se Hi Duniya Main Kushnomayi Hai
Aurat Hi Tu Teri Meri Maa Hai
Aurat Se Hi Hai Tasweer-E-Kaynat Main Rang
Aurat Ke Bina Zindagi Harjai Ha

Aik Shaks Meri Zaat Main Shareek Rehta Hai

Aik Shaks Meri Zaat Main Shareek Rehta Hai
Wo Aaker Mujhe Phir Rulaaa Deta Hai

Raaatoon Ko Jab Main Tanhaan Hota Hoon
Wo Dheeray Say Choooo Ker Behlaaa Deta Hai

Wo Mujhe Me Basa Ha Kuch Is Tarhaan Se
Wo Hota Nahin Phirr Bhi Sath Rehta Hai

Kehta Hain Log Ke Wo Mujh Sa Juda Rehta Hai
Rooh Ban Ke Jo Mere Dill Ke Paaaas Rehta Hai

Wo Chup Ke Saa Aakee Kuch Keh Deta Hai
Phir Aaker Mujhe Kahin Hooosh Aata Hai

Aik Shaks Meri Zaaaat Me Shareek Rehta Hai
Wo Aaker Mujhe Phir Rula Deta Hai………………..!

Mujhe zindagi ki dua na de, meri zindagi se bani nahi

Mujhe zindagi ki dua na de, meri zindagi se bani nahi,
Koi zindagi pe kare yaqeen, mujhe zindagi pe yaqeen nahi

Kabhi Kabhi jane kyo dard ka ek sailaab sa aata hai

Kabhi Kabhi jane kyo dard ka ek sailaab sa aata hai
Vo har purani yaad ko jhakjhor ke chala jata hai

Sochte hai humne to ki thi vafa use apni jaan samjhkar
Par jaane kyo vo lamha had se jyada tarfa jata hai

Roz Roz aansuo ki jane kitni boonde giri ankho se
Par har boond me bhi vo bewafa hi najar aata hai

Kho diya jis pal se apni jaan ko humne
Har khushi me bhi manjar us pal ka najar aata hai

Khuda na kare koi bhi tarse is tarah pyaar ke liye
Ye?pyaar to hai hi jaalim bas Paagal karke chala jata hai

Usi Jaga Pe Khara Hun Jahan Wo Bichra Tha

Usi Jaga Pe Khara Hun Jahan Wo Bichra Tha,
Suna Hai Jab Se Mausam Palat Aate Hain

Agar ban mein rehna mukadar hai,

Agar ban mein rehna mukadar hai,
Aur yeh aik teh-shuda amar bhi hai,
Ke har ban mein bas bherriye muntazir hain mere,
Tou yeh sochti hoon,
Ke is soorat-e-haal mein,
Kyon na phir,
Apni marzi ke jungle mein ja basoon…

hum js sa mar rha hain wo hay baat rahee kuch orr

hum js sa mar rha hain wo hay baat rahee kuch orr
aalam ma tujh sa laakh sahee to mgr khaan

Tum bin jiya jaye kesey

Tum bin jiya jaye kesey,
Kesey jiya jaye tum bin,
Sadiyon sey lambi hain ratirn,
Sadiyon sey lambey hoye din,
Ajao laot kar tum,
Ye dil keh raha hai, ajao laot kar tum,
Phir sham e tanhai jagi,
Phir yad tum aa rahey ho,
Phir jan nikalney lagi hai,
Phir mujhko tarpa rahey ho,
Is dil me yadon kay meley hain,
Tum bin bohat hum akeley hain,
Ajao laot kar tum ye dil keh raha hai,
Kya kya na socha tha me ney,
Kya kya na sapney sajaye,
Kya kya na chaha tha dil ney,
Kya kya na arman jagaye,
Is dil sey tofan guzartey hain,
Tum bin jeetey hain na martey hain,
Ajao laot kar tum ye dil keh raha hai,
Tum bin jiya jaye kesey.

Birthday Hindi Ghazals

Birthday Hindi Ghazals

Khuda kaise karoon shukriya iss din ke liye
Jis duniye tumhe dharti pe bheja hamare liye
Naa jaane kyon main intezaar kar raha tha
Shayad janmdin hai tumhara iss liye
Meri har ek dua hai teri lambi umr ke liye
Dil khud jaanta hai tu na ho dhadkega kis k liye

Bohot mudat se aisa hai k tum khamosh rehty ho

Bohot mudat se aisa hai k tum khamosh rehty ho

koi gehra hai gum shayad jisy chup chap sehty ho

unhi chalty hue tanha

koi gamgeen sa nagma tum aksar gungunaty ho

doran-e-guftago unhi milen nazron se jab nazren

to baten bhool jaty ho

kisi guum suum si halat main

ya phir barish k mosam main

faqat itna hi kehty ho

udasi bewaja si hai

bohot bojhal tabiyat hai

bata phir q nahin dety

Tmhen phie se MOHABAT ho gai hai

Shakeel is darjah mayosi shoroh e ishq me kaisi,

Shakeel is darjah mayosi shoroh e ishq me kaisi,
Abhi to aur hona hai kharab aista aista.

suno logo

suno logo
gunaah saarey zameeN se aasmaaN tak
phail jaaiN or
falak ko daiN azaabooN ki agar dahwat
to aese me ndaamat ka koi qatraa
azaaboN k waseeh daryaa k rukh ko
morh deta hay, junooN ko torh detaa hay
agar ye haath uth jaeiN duhaa ko to
gunaahooN k pahaarhooN ko mitaa daalaiN
zameen-o-aasmaaN ko yeh hilaa daalaiN
chalo ham tum duhaa kar laiN
Khudaa se iltijaa kar laiN
khaloos-e-dil se maangaiN to
wafaaeN radd nahi hotiiN
duaaein radd nahi hotiein

Ab ke agar laga dil to sirf dil lagi ho gi

Ab ke agar laga dil to sirf dil lagi ho gi
Hum tum apni mohabat tamam kar bethe

Phir Apni Duaon Mein Mujhe Tum Yaad Karlena

Jub Itni Khushyaan Mil Jayen Ke Samajh Na Aye Kia Mangun
Phir Apni Duaon Mein Mujhe Tum Yaad Karlena

apne honton par sajana chahta hun

apne honton par sajana chahta hun
a tujhe main gungunana chahta hun

koi ansu tere daman par gira kar
bund ko moti banana chahta hun

thak gaya main karte-karte yad tujhko
ab tujhe main yad ana chahta hun

cha raha hai sari basti mein andhera
raushani ho ghar jalana chahta hun

akhri hichki tere zanon pe aye
maut bhi main shayrana chahta hun

hum gunahgaar hai

hum gunahgaar hai
hum ko saza de do
mout aa jaye hume
bus itni si dua de do
mere yaar mujh ko khushi se saza da gaya
hath tham kar mera kisi or ka saath de gaya
hum ne wafa ka tum se itna sila paya hai
dil chhalni huya hai or rona ab aaya hai
hum ko mohaabat par aitbaar na raha
tere baad kisi se pyaar na raha

Her zehn me kuch naqsh-e-wafa choor gya hy

Her zehn me kuch naqsh-e-wafa choor gya hy
Kehne ko bhary shehr me tanha tha jo ek shakhs

Mera Din Chupa kisi raat main

Mera Din Chupa kisi raat main
Mere raat chupi kisi raaz main
Koi raaz hai meri zaat main
Main jab kabhi bhi bhatak gya
Main girte girte sambhal gya
Muje thokaron se pata chala
Koi hath hai mere hatha main

Kya Kya Ajab Gul Khilati Hai Zindagi

Kya Kya Ajab Gul Khilati Hai Zindagi,
Sukh Ke MausaMon Ko GaM Ki Chadar Udhati Hai Zindagi,

Pehle Aankhon Mein Khwaab Sajati Hai,
Phir Unhi Khwabon Ka Mazak Udati Hai Zindagi,

Pehle Khushbuon Se Phoolon Ko Mehkati Hai,
Phir Unhi Phoolon Se Khushbu Ko Churati Hai Zindagi,

Pehle GaM-E-Yaar Se Milati Hai,
Phri Usi GaM-E-Yaar Se Juda Karti Hai Zindagi,

Pehle Jeene Ka Jawaz HaMein Batlati Hai,
Phir Usi Jawaz Ko Mita Si Jaati Hai Zindagi

Shab-e-Firaaq Tou Kat’ti Nazar Nahi Aati,

Shab-e-Firaaq Tou Kat’ti Nazar Nahi Aati,
Khayaal-e-Yaar Mein Aao Faraz So Jayein…!

Junoon Main, Shauq Ki Gehraiyon Se Darta Raha,

Junoon Main, Shauq Ki Gehraiyon Se Darta Raha,
Main Apni ZaaT Ki Sachaiyon Se Darta Raha…

Mohabton Se Shanasa Huwa Main Jis Din Se,,
Phir Us K Baad Shanasaiyon Se Darta Raha..

Wo Chahta Tha K Tanha Miloon To Baat Kre,,
Main Kya Krun K Main Tanhaiyon Se Darta Raha..

Mein Regzaar Tha Mujh Main Basay Thay Sanaatay,,
Isi Liye To Main Shehnaiyon Se Darta Raha..

Main Apne Baap Ka Yousuf Tha is Liye Mohsin..!!
Sakoon Se, So Na Saka Bhaiyon Se Darta Raha…!!

Tamam Umer Ki Awargi Pe Bhari Hai

Tamam Umer Ki Awargi Pe Bhari Hai
Wo Ekk Shab Jo Teri Yaad Mein Guzari Hai

Dil toot bhi jaye to mohabbat nahin mit’ti,

Dil toot bhi jaye to mohabbat nahin mit’ti,
Iss raah mein lutt kar bhi khasaara nahin hota..

Mere Aas Paas Ki Har Cheez Teri Yaad Dilati Hai,

Mere Aas Paas Ki Har Cheez Teri Yaad Dilati Hai,
Lout Aao Phir Se..!
Meri Tanhai Tujhe Wapis Bulati Hai....

Bholta hon usay yaad aye magar bol main kia karon

Bholta hon usay yaad aye magar bol main kia karon
jeenay daiti nahin us ki pehli nazar bol main kia karon

teergi khob hay, koi hamdam nahin, koi rehbar nahin
mujh ko darpaish hai aik lamba safar,bol main kia karon

khud say hi bhag kr main kahan jaon ga,yunhi mar jaon ga
koi sorat bhi ati nahi ab nazar, bol main kia karon

meri tanhai nay mujh ko ruswa kia, ghar bhi zandan hai
mujh pay hansnay lagay ab to dewaar o dar,bol main kia karon

urr bhi sakta nahi,aag aisi lagi, kis ko ilzam don
dheeray dheeray chalay hain meray bal o par,bol main kia karon

tu mera ho gaya, main tera ho gaya, ab koi azam nahin
phir bhi dil main bicharnay ka rehta hai dar,bol main kia karon

sapne hain yadain hai or bahut kuch

sapne hain yadain hai or bahut kuch,
tum ho tumhari batain hain or bahut kuch,

nahi chahtay hum tum ko bhulana,
magar dori hai ek majbori hai or bahut kuch

Mujh se kaafir ko tere ishq ne yun sharmaya

Mujh se kaafir ko tere ishq ne yun sharmaya,
Dil tujhe dekh ke dharrka to khudaa yaad aaya,

Mere dil pe to hai ab tak tere gham ka saaya,
Log kehte hain neya daur naye dukh laya,

Mera meyaar-e-wafaa hi meri majboori hai,
Rukh badal kar bhi tujhe apne muqaabil paya,

Charagar aaj sitaron ki kasam kha ke bata,
Kis ne insaan ko tabasum ke liye tarrpaya,

Log hanstey hain to is soch main kho jata hon,
Mauj-e-sailaab ne phir kis ka gharaunda dhaaya,

Uss ke andar koi fankaar chupaa betha hai,
Jaantey boojhtey jis shakhs ne dhoka khaya..

Unhe Ye Zidd Kimujhe Dekhkar Kisi Ko Na Dekh

Unhe Ye Zidd Kimujhe Dekhkar Kisi Ko Na Dekh
Mera Ye Shouk Ki Sabse Salaam Karaata Chalu…

ISHQ

Kahin ISHQ ki dekhi Ibtida,

Kahin ISHQ ki dekhi Inteha,

Kahin ISHQ Sooli pe Charh gya,

Kahin ISHQ ka Nezy pe Sir gya,

Kahin ISHQ sajdy mei gir gya,

Kahin ISHQ sajdy sy phir gya,

Kahin ISHQ dars-e-wafa bana,

Khain ISHQ husn-e-ada bana,

Kahin ISHQ ne Sanp se daswa dia,

Kahin ISHQ ne namaz ko Qaza kia,

Kahin ISHQ saife Khuda bana,

Kahin ISHQ shere-Khuda bana,

Kahin ISHQ Toor per deedar hy,

Kahin ISHQ zibah ko tayar hy,

Kahin ISHQ ne behka dia,

Kahin ISHQ ne Shah-e-Misr bana dia,

Kahin ISHQ ankhon ka Noor hy,

Kahin ISHQ Koh-e-Toor hy,

Kahin ISHQ 'tu hi tu' hua,

Kahin ISHQ 'ALLAH HOO' hua.

Teri Masoom Nigahon K Taqadus Ki Qasm

Teri Masoom Nigahon K Taqadus Ki Qasm
Dil Ne To Kya Roh Ne Bhi Teri Ibaadat Ki Hai

aise chup hain ke ye manzil bhi kari ho jaise

aise chup hain ke ye manzil bhi kari ho jaise
teraa milanaa bhi judaai ki ghari ho jaise

apane hi saaye se har gaam laraz jaataa hon
raaste main koi divaar khari ho jaise

manzilain duur bhi hain manzilain nazadik bhi hain
apane hi paaon main zanjir pari ho jaise

kitane naadaan hain tere bhulane vaale ke tujhe
yaad karane ke liye umr pari ho jaise

aaj dil khol ke roye hain to yon Khush hai 'Faraz'
chand lamhon ki ye raahat bhi bari ho jaise

Tere Firak Ke Lamhe Shumar Kerte Howe

Tere Firak Ke Lamhe Shumar Kerte Howe
Bekhar Gaye Tera Intazar Kerte Howe

To Main Bhi Khush Hoon Koi Us Say Jake Keh Day
Agar Woh Khush Hai Mujhe Bekarar Kerte Howe

Main Muskarata Howa Ainay Main Ubher Aonga
Woh Roo Paregi Achanak Singhar Kerte Howe

Tumhe Khaber Hi Nahi Koi Toot Gaya
Mohabbaton Ko Bohat Paidar Kerte Howe

Woh Keh Rahi Thi Samander Nahi Hain Ankhain Hain
Main Un Main Doob Gaya Aitebar Kerte Howe

Mujhe Khaber Thi Ke Abh Loot Ker Na Aooga
Tujh Ko Yaad Kiya Der Paar Kerte Howe

Tumhare pyaar me hamne bhohot chote khaye,

Tumhare pyaar me hamne bhohot chote khaye,
Jiska hisaab na hosake utne dard paye,
Phirbhi tere pyaar ki kasam khake kehtahu,
Hamare lab pe tumhare liye sirf pyaar aaye?

Meri Har Khushi Tere Naam Ho,

Meri Har Khushi Tere Naam Ho,
Teri Har Ghami Mere Naam Ho,

Meri Chahton K Mehrban,
Meri Zindagi Tere Naam Ho,

Teri Har Adda Pe Ho Jaon Fidda,
Teri Har Nazar Ko Sallam Ho,

Mein Hans K Pi Loon Ga Zehar Bhi,
Jo Tere Hathon Ka Jaam Ho,

Sirf Teri Chahat Mein Aye Dost

Woh jo deep ankhoon main jal rahay,

Woh jo deep ankhoon main jal rahay,
Unhay ashqi ka pegham do,
Mujhay apnay laboon pay sambhal lo,
Apni har dua ko mera naam doo.

Main chaloon tu too meray sath ho,
Mujhay thamay jo woh tera hath ho,
Meray sar ka bany tu saibaan,
Meri har khoshi ko maqam do.

Meri rooh ko khud main utar lo,
Meri har nazar say khumar lo,
Jo mujhay sametay teri bahon main,
Meri bay khudi ko woh jam do,

Meri chahatoon ka bharam rakho,
Mujhay apni ankhoon main band rakho,
Bay chain rakhy jo mujhy raat bhar,
Meri khawaheshoon ko woh sham doo..

Ye Dard Mit Gaya To Phir

Ye Dard Mit Gaya To Phir?
Ye Zakhm Sil Gaya To Phir??
Bichhar Kar Sochta Hoon Main,
Wo Phir Se Mil Gaya To Phir??

Main Titliyon K Shehar Mein,
Rahoon To Mujh Ko Fiker Hai?
Wo Phool Jo Khila Nahi,
Wo Phool Khil Gaya To Phir??

Tujhe Bhi Kuch Nahi Mila,
Mujhe Bhi Kuch Nahi Mila?
Tamam Umer K Liye,
Ye Dard Mil Gaya To Phir??

Main Is Liye To Aaj Tak,
Sawal Bhi Na Kar Sake?
Agar Mere Sawal Ka,
Jawab Mil Gaya To Phir??

Tere aane ka silsila nikla

Tere aane ka silsila nikla,
Thoda socha to ye pata nikla,
Ranj ka sara khel hai chahat,
Sab ka ek ye hi fesla nikla,
Door duniya se ghar basa leta,
Par mera ghar tera dayera nikla,
Mere bare mai sochta hai wo,
Kaise wo bawafa nikla,
Kaisi ye aag hai bata de mujhe,
Jisko dekha wo diljala nikla,
Baat bebaat ka fasana tha,
Kitna muddat mai fesla nikla,
Jiske ghar mera aana jana tha,
Wo shaksh mujhe mar mita nikla,
Aaj to had hi ho gayi “shamsul”
Bewafa sara kafila nikla.

Barso Ka Rishta – 4 Lines Bewafa Shayari

Barso Ka Rishta – 4 Lines Bewafa Shayari

Log Apna Banake Chodd Dete Hai
Barso Ka Rishta Ek Pal Me Todh Dete Hai
Humse Toh Ek Phool Bhi Na Todh Jata
Log Toh Dil Na Jaane Kaise Tod Dete Hai!!!

Na Roye Ab Kyun Keh Meray Dil Ko Teri Wafaa Per

Na Roye Ab Kyun Keh Meray Dil Ko Teri Wafaa Per Yaqee'n Bahut Tha
Bikhar Gaya Jis Ke Haatho'n, Guul Ko Ussi Hawaa Per Yaqee'n Bahut Tha

Yeh Kya Keh Darr Ke Bhan'war Se Ab Tum Talaash Mein Na-Khuda Ki Guum Ho
Chalay Thay Saahil Se Yaaro Jab Tum, Tumhain Khudaa Per Yaqee'n Bahut Tha

Woh Kehh Raha Tha Keh TU Dua Kar, "Kabhi Milain Na Bichharr Ke Ab Hum"
Woh Jaanta Tha Qubool HoGi, Meri Duaa Per Yaqee'n Bahut Tha

Hai Ab Yaqee'n Keh Sadaayen Dil Ki Kisi Ke Dil Tak Nahin Pohanchtie'n
Ussay Pukaara Nahin Tha Jab Tak, Har Ik Sadaa Per Yaqee'n Bahut Tha

Bahut Barasnay Ki Iss Baras Bhi, Hamaari Aankho'n Ne Baazi Jeeti
Hamain Yaqee'n Tha Inn Aansoo'o'n Per, Ussay Ghataa Per Yaqee'n Bahut Tha

Jo Baat Nikli Thi Teri Chuup Se, Shehr Ke Har Aik Ghar Mein Goonji
Hamain To Hona Tha Yun Bhi Ruswaa, Har Aashna Per Yaqee'n Bahut Tha


Payaam Koi Na Pohanchaa Uss Tak, Magar Gilaa Ab Karain Bhi Kis Se
Na Likhay Do Lafz Uss Ko Hum Ne, Hamain Sabaa Per Yaqee'n Bahut Tha

Wafaa Ki Aadat Bahut Pasand Thi, Wafaa Ki Aadat Ne Jaan Le Li
Dil-e-Hazee'n Ab Zara Bataa Tu, Kya Iss Adaa Per Yaqee'n Bahut Tha

Ussay Bhi Rasto'n Ne Poochha HoGa, "Kaha'n Pe Chhorr Aaye HamSafar Ko?"
Hamain Bhi Poochha Kaha'n Hai Woh Dil, Jissay RAZA Per Yaqee'n Bahut Tha

Gham lagte rehte hain har aan khoshi k peche

Gham lagte rehte hain har aan khoshi k peche
Doshmani dhop ki hai saea diwar k sath

Fiza me rakas hai sohbha e husain parindon ka

Fiza me rakas hai sohbha e husain parindon ka,
Muje bhi hasrat e parwaz hai kisi k sath

Ye jo sakht raston pe bhi aasan safar lgta hai

Ye jo sakht raston pe bhi aasan safar lgta hai
Ye mjh ko MAA ki duaaon ka asar lgta hai
Aek muddat hui meri MAA nai soyi Tabish
Mein ne ik baar kaha tha k mjhe darr lgta hai

Shayed tere bagair na aye ga phir kabhi

Shayed tere bagair na aye ga phir kabhi
Iss be’khudi ke sath mausam bahaar ka

Lagta hai kisi dil mein muhababt nahi meri

Lagta hai kisi dil mein muhababt nahi meri
Is ghar mein kisi ko bhi zarurat nahi meri

Kaghaz pe hai bus in dar-o-deewar se rishta
Jo saaya-e-figan sir pe hai wo chat nahi meri

Har shakhs ki nazro’n mein mery daam alag hain
Maloom hai mujh ko, koi qeemat nahi meri

Rassmi sa hai is sheher k logo’n se ta’alluq
Barso’n huay khood se bhi rafaqat nahi meri

Mein jin k liye khaak basar dasht mein bhatka
Tasleem unhein bhi ye mushaqqat nahi meri

Ye kah k meri neend, Meray khuwab bhi cheenay
Mujh se unhein darkaar ijazat nahi meri

Wo surat-e-zar maang rahy hain mery ash’aar
Matloob unhein kaghazi shohrat nahi meri

na tha kuch to Khuda tha, kuch na hota to Khuda hota

na tha kuch to Khuda tha, kuch na hota to Khuda hota
duboya mujh ko hone ne, na hota main to kya hota

hua jab gam se yun behis to gam kya sar k katne ka
na hota gar juda tan se to zannon par dhara hota

hui muddat k 'Ghalib' mar gaya par yad ata hai
wo har ek bat pe kahna k yun hota to kya hota

Apni Yaadon Se Tadpaane

Dil Ki Kitaab Ka Panna Churaa Legaye Tum
Aankhon Se Neendh Uda Legaye Tum
Teri Yaad Me Tadapne Ki Aadat Nahin Thi Mujhe
Apni Yaadon Se Tadpaane Sikha Gaye Tum

Tarab e kasa dil pesh kr dia jae

Tarab e kasa dil pesh kr dia jae,
Suna hai koi sakhawat me hadd nahin rakhata.

Akele Pan Ki Haweli Mein Laa Ke Chor Diya

Akele Pan Ki Haweli Mein Laa Ke Chor Diya…
Meri Aana Ne Tujhe Kia, Mujhe Bhi Torr Diya

Hans k bola karo bulaya karo

Hans k bola karo bulaya karo
ap ka ghar hai aya jaya karo

muskurahat hai husn ka zevar
rup barhata hai muskuraya karo

had se barh kar hasin lagate ho
jhuthi qasmen zarur khaya karo

hukm karana bhi ek sakhavat hai
ham ko Khidamat koi bataya karo

bat karana bhi badashahat hai
bat karana na bhul jaya karo

ta ke duniya ki dilkashi na ghate
nit naye pairahan men aya karo

kitane sada mizaj ho tum “Adam”
us gali men bahut na jaya karo

Dunia Mujhi Se Mera Pata Pochti Rahi

Dunia Mujhi Se Mera Pata Pochti Rahi
Mera Wajood Gum Tha Kisi or Zaat Me

Muhabbat Ki ek Bari Nishani

Muhabbat Ki ek Bari Nishani
Baat By Baat Muskura Dena

AaO IsHQ AaO... ZaH-e-NaSeeb BeThO

AaO IsHQ AaO... ZaH-e-NaSeeb BeThO
SuNa Hai HaMain BaRbaD Krny AyE Ho

Dil hijr k dard se bojhal hai, ab aan milo to behter hai,

Dil hijr k dard se bojhal hai, ab aan milo to behter hai,
Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,
Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,
Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan
Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,
Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,
Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya
Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,
Ab sukh k sapne kya dekhein, jab dukh ka sooraj sar par ho…

Aap sab ko dill ki gehraiyon say

Aap sab ko dill ki gehraiyon say
nikli hoi bay shumar duaon k sath
"NAYA ISLAMI SAAL" mubarak ho.
Allah is naye saal ko aap sab k liye rehmaton,
barkaton,
khushyon,
kamiyabion,
khair-o-afiat,
hifazat,
aman,
sukoon aur tamam tar naik khuwahishat
ki takmeel ka saal bana day aur donon
jehan ki sari naymatain ata farmaye
aur hamisha,hamisha k liye razi ho jaye.
Ameen, Summa ameen.

Pathar ke khuda, pathar ke sanam, pathar hi ke insaan paye hain,

Pathar ke khuda, pathar ke sanam, pathar hi ke insaan paye hain,
Tum sheher-e-mohabbat kehtey ho, hum jaan bacha ke aye hain,

Hum soch rahe hain muddat se, ab umar guzaaren bhi to kahan,
Sehraa mein khushi ke phool nahin, shehron mein ghamon ke saye hain,

Honton pe tabassum halka sa, ankhon mein nami si aye Faqir,
Hum ehel-e-mohabbat per aksar aesey bhi zamaaney aye hain..

Koi Dhoond Aisa Humsafar

Koi Dhoond Aisa
Humsafar

Jo Tujhy Mujh Se Barh
k Chah Saky

Tu Kahe Tou Raat Ho

Aur Wo Chanadni Luta
Saky

Tere Aansuo?n Ko Yun
Samait Le

K Koi Na Tujh Ko Rula Saky

Tark-e-Ulfat Jo Kia Hai To Sanmbhalo Khud Ko

Tark-e-Ulfat Jo Kia Hai To Sanmbhalo Khud Ko,
Kion Mere Khwabon Mein Rooz Chale Aate Ho